QR Oqý-aǵartý vitse-ministri Ǵani Beisembaevtyń eńbek demalysy tólemderin tóleýge qatysty túsinikteme berdi, dep habarlaidy QazAqparat QR Oqý-aǵartý ministrliginiń baspasóz qyzmetine silteme jasap.
Ǵani Beisembaev maýsym aiynyń basynan bastap ákimdikter pedagogterge 246 mlrd teńge kóleminde eńbek demalysy aqysyn ýaqytyly aýdarǵanyn, óńirlerdiń basym bóliginde muǵalimderge eńbek demalysy aqysy tolyq tólengenin aitty.
Sondai-aq, birqatar óńirde 28 mlrd teńge kólemindegi qarajat ýaqtyly aýdarylmaǵanyn atap ótti.
«Eńbek demalysy men ai saiynǵy eńbekaqy jergilikti biýdjet esebinen (ákimdikter) tólenetinin eske sala keteiik. Sonymen qatar taldaý barysynda ministrlik birqatar óńirde 28 mlrd teńge kólemindegi qarajat ýaqtyly aýdarylmaǵanyn tirkedi. Munyń basty sebebi - qarajattyń jetispeýshiliginen emes, kerisinshe jergilikti deńgeidegi jumystar men rásim máselelerine bailanysty bolyp otyr.
Bul máseleler tolyǵymen jergilikti bilim basqarmalarynyń quzyretine jatady. Sondyqtan mundai málimdemelerge jaýapkershilikpen qarap, keibir máselelerdiń qai memlekettik organdardyń quzyrynda ekenin eskerýdi suraimyz», - dedi vitse-ministr.
Ministrlik málimetine sai, másele ministrliktiń baqylaýynda tur. Ákimdikterdiń málimetinshe, tólem máselesi bir apta ishinde sheshiledi. Sapany qamtamasyz etý jónindegi óńirlik departamentter bilim berý salasy qyzmetkerlerine ai saiynǵy eńbekaqyny ýaqtyly tóleýin baqylaýdy jalǵastyrady.
