قر وقۋ-اعارتۋ ۆيتسە-مينيسترٸ عاني بەيسەمباەۆتىڭ ەڭبەك دەمالىسى تٶلەمدەرٸن تٶلەۋگە قاتىستى تٷسٸنٸكتەمە بەردٸ, دەپ حابارلايدى قازاقپارات قر وقۋ-اعارتۋ مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
عاني بەيسەمباەۆ ماۋسىم ايىنىڭ باسىنان باستاپ ەكٸمدٸكتەر پەداگوگتەرگە 246 ملرد تەڭگە كٶلەمٸندە ەڭبەك دەمالىسى اقىسىن ۋاقىتىلى اۋدارعانىن, ٶڭٸرلەردٸڭ باسىم بٶلٸگٸندە مۇعالٸمدەرگە ەڭبەك دەمالىسى اقىسى تولىق تٶلەنگەنٸن ايتتى.
سونداي-اق, بٸرقاتار ٶڭٸردە 28 ملرد تەڭگە كٶلەمٸندەگٸ قاراجات ۋاقتىلى اۋدارىلماعانىن اتاپ ٶتتٸ.
«ەڭبەك دەمالىسى مەن اي سايىنعى ەڭبەكاقى جەرگٸلٸكتٸ بيۋدجەت ەسەبٸنەن (ەكٸمدٸكتەر) تٶلەنەتٸنٸن ەسكە سالا كەتەيٸك. سونىمەن قاتار تالداۋ بارىسىندا مينيسترلٸك بٸرقاتار ٶڭٸردە 28 ملرد تەڭگە كٶلەمٸندەگٸ قاراجات ۋاقتىلى اۋدارىلماعانىن تٸركەدٸ. مۇنىڭ باستى سەبەبٸ - قاراجاتتىڭ جەتٸسپەۋشٸلٸگٸنەن ەمەس, كەرٸسٸنشە جەرگٸلٸكتٸ دەڭگەيدەگٸ جۇمىستار مەن رەسٸم مەسەلەلەرٸنە بايلانىستى بولىپ وتىر.
بۇل مەسەلەلەر تولىعىمەن جەرگٸلٸكتٸ بٸلٸم باسقارمالارىنىڭ قۇزىرەتٸنە جاتادى. سوندىقتان مۇنداي مەلٸمدەمەلەرگە جاۋاپكەرشٸلٸكپەن قاراپ, كەيبٸر مەسەلەلەردٸڭ قاي مەملەكەتتٸك ورگانداردىڭ قۇزىرىندا ەكەنٸن ەسكەرۋدٸ سۇرايمىز», - دەدٸ ۆيتسە-مينيستر.
مينيسترلٸك مەلٸمەتٸنە ساي, مەسەلە مينيسترلٸكتٸڭ باقىلاۋىندا تۇر. ەكٸمدٸكتەردٸڭ مەلٸمەتٸنشە, تٶلەم مەسەلەسٸ بٸر اپتا ٸشٸندە شەشٸلەدٸ. ساپانى قامتاماسىز ەتۋ جٶنٸندەگٸ ٶڭٸرلٸك دەپارتامەنتتەر بٸلٸم بەرۋ سالاسى قىزمەتكەرلەرٸنە اي سايىنعى ەڭبەكاقىنى ۋاقتىلى تٶلەۋٸن باقىلاۋدى جالعاستىرادى.
