Kórneki foto: ashyq derekkózden
Muǵalimder Túrkiiadaǵy transvestitterge arnalǵan túngi klýbqa barǵany úshin emes, belgisiz sebeptermen eskertýsiz jumysqa kelmegeni úshin jumystan shyǵaryldy, - dep habarlady Sputnik Qazaqstan Qyzylorda oblysynyń bilim basqarmasyna silteme jasap.
"Qyzylorda oblysy Qarmaqshy aýdanyna qarasty 250 mektep-litseiinde jumys istegen muǵalimder jalaqysy saqtalmaityn demalys kúnderin qospaǵanda 2-5 jumys kúni aralyǵynda belgisiz sebeptermen eskertýsiz jumysqa kelmegen. Olar Qazaqstan Respýblikasy Eńbek kodeksiniń 49-babynyń 5-tarmaǵyna sáikes, óz ótinishi boiynsha jumystan bosatylǵanyn habarlaimyz", - delingen vedomstvonyń baspasóz qyzmeti taratqan habarlamada.
BAQ jazǵandai, qysqy demalysyn Túrkiiada ótkizgen eki muǵalim transvestitterge arnalǵan túngi klýbqa baryp, ol týraly áleýmettik jelilerde video jariialaǵan.
Jelidegi shýdan keiin olar jumystan shyǵaryldy.
Oqý-aǵartý ministrligi Bilim berý salasyndaǵy sapany qamtamasyz etý komitetiniń basshysy Ernur Dáýenov etikalyq normalardy saqtaý muǵalimderdiń minez-qulqy men is-áreketiniń qalypty sipaty bolýy kerektigin aitty.
"Qysqy kanikýlda Túrkiiada túngi klýbta demalyp jatqan Qyzylorda oblysynyń eki muǵaliminiń áleýmettik jelide jariialaǵan videolary ata-analar qaýymynyń narazylyǵyn týdyrdy. Muǵalimder jumystan bosatyldy", - dep túsindirdi ol.
Dáýenov sondai-aq ustazdardy moraldyq-adamgershilik qundylyqtar talabyna sai bolýǵa shaqyrdy.
