Koronavirýsqa bailanysty mektep muǵalimderi kanikýl kezinde úide jumys istei alady. Olarǵa jalaqylary tolyq tólenedi. Bul týraly QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«Memlekettik qosymsha bilim berý uiymdarynyń qyzmetin 16 naýryzdan bastap toqtattyq. Buǵan oqýshylar men jasóspirimder saraiy, mýzyka, kórkemsýret, óner mektepteri jáne taǵy da basqa bilim berý uiymdary jatady. Balalar bul uiymdarǵa búgin barǵan joq. Elimizde damytý ortalyqtary siiaqty jeke menshik uiymdar bar. Ol jeke menshik bolǵandyqtan bizdiń quzyrettiligimizde emes degenmen ata-analarǵa damytý ortalyqtaryna balalardy aparmai, sál kúte turýǵa keńes beremiz», - deidi Ashat Aimaǵambetov Ortalyq kommýnikatsiialar ortalyǵynda ótken brifingte.
Ol oqýshylar qansha ýaqyt demalatyny týraly aitty.
«16 naýryzdan 5 sáýirge deiin oqýshylar kóktemgi demalysta bolady. Osy ýaqyt aralyǵynda mektep muǵalimderi qashyqtyqtan jumys isteitin bolady. Osyndai ýaqytta muǵalimder mektepte bolyp, sabaqqa daiyndyq jumystaryn, ádistemelik jumystaryn júrgizetin. Qazirgi jaǵdaiǵa bailanysty biz tiisti sheshim qabyldap, ony barlyq direktorlarǵa jiberdik. Sheshimge sáikes, mektep muǵalimderi daiyndyq jumystaryn úilerinde otyryp júrgizýlerine bolady jáne jalaqylary tolyq tólenedi», - deidi ol.
