Biyldan bastap pedagogtarǵa arnalǵan 33 olimpiada men konkýrs alǵash ret engizildi. Bul týraly QR Bilim jáne ǵylym vitse-ministri Sholpan Karinova aitty, dep habarlaidy "Ult aqparat".
Aita keteiik, Bilim jáne ǵylym ministrliginiń olimpiadalar tizbesin bekitý boiynsha tiisti ózgerister engizildi.
Bul óz kezeginde sapalyq ózgeristerge qatysty. Osy jylǵa deiingi olimpiadalardyń tizbesinde 56 olimpiadalyq is-shara qarastyrylǵan bolsa, bekitilgen tizimde 175 is-sharaǵa deiin keńeitildi.
«Sonymen qatar, tizbege biyldan bastap pedagogtarǵa arnalǵan 33 olimpiada men konkýrs alǵash ret engizildi. Olardyń nátijeleri pedagogtardy biliktilik berýge attestattaý kezinde eskeriletin bolady. Ashyqtyq, Akademiialyq adaldyq, qatysýshylar úshin teń jaǵdai jasaý jáne ádil nátijeler - jarystardy ótkizýdi avtomattandyrý esebinen qamtamasyz etiledi», - dedi Sh. Karinova.
Onyń aitýynsha, eger osy is-sharalardy uiymdastyrýshylardyń Akademiialyq adaldyq, zańdylyq, ashyqtyq, obektivtilik, tegin ótkizý qaǵidattaryn buzý faktileri anyqtalsa, onda olimpiada nemese konkýrs tizbeden alynyp tastalatyn bolady. Dál osyndai qaǵidattar men kriteriiler jańa is-sharalar tizbesine engizý úshin de eskeriletin bolady. Osylaisha, ministrlik elimizde ótkiziletin konkýrstar men olimpiadalardyń sapasy men tiimdiligin arttyrýǵa nietti.
Budan buryn habarlanǵandai, Bilim jáne ǵylym ministrligi uiymdastyratyn olimpiadalar oqýshylar úshin aqysyz negizde bolady.
Sonymen qatar qazirgi kezde qazirgi kezde qazaqstandyq bilim berý naryǵynda jekemenshik kásiporyndar men uiymdar da osy qyzmetterdi aqyly usynyp keledi.
«Biraq Bilim jáne ǵylym ministrliginiń bul aqyly jarystarǵa eshqandai qatysy joq ekenin atap ótemin. Sondyqtan balalar men muǵalimder, mektepter ártúrli olimpiadalar men konkýrstarǵa oqýshylardyń qatysýyn tańdaǵan kezde muqiiat bolýyna keńes beremiz», - dedi Sholpan Karinova.
