Qazaqstandaǵy oqytýshylary qashyqtan oqytý ádisterin igerýge mindetteledi. Bul týraly QR Bilim jáne ǵylam ministri Ashat Aimaǵambetov málim etti, dep habarlaidy QazAqparat.
«Qashyqtan oqytý boiynsha tiisti kýrstardy ótkizetin bolamyz. Ondai kýrstar daiyndalyp jatyr. Baǵdarlamadardyń birneshe nusqalaryn qarap shyqtym. Bul turǵyda tiisti jumystardy atqarýdamyz», - dedi A. Aimaǵambetov onlain baspasóz máslihatynda.
Onyń sózine qaraǵanda, bul baǵytta ǵylymi qadamdar eskerilýi tiis.
«Osy baǵytta jan-jaqty bolýǵa ekpin qoiylady, onyń ishinde IT-kompetentsiialar, balalardy oqytý ádisteri qamtylady. Iaǵni, qashyqtan oqytý júiesi arqyly bilim berý men jumys isteýdiń mán-jaiyna basymdyq beriledi», - dedi ministr.
Onyń atap ótýinshe, bul kompetentsiialar arnaiy kýrstarda qamtalady. Keiinnen onyń barlyǵy biliktilikti arttyrý aiasynda pedagogtarǵa oqytylady.
«Munymen qosa, joǵary oqý oryndaryn daiarlaý aiasynda osy júie boiynsha qashyqtan oqytý boiynsha mindetti modýldi engizetinimizdi rektorlarǵa habarladyq. Bolashaq pedagogtar ýniversitette bul tehnologiialardy meńgerýi tiis», - dedi vedomstvo basshysy.
