2019 jyldyń 12 qyrkúieginde Nur-Sultan qalasynda muǵalimder arasynda A.Baitursynuly atyndaǵy respýblikalyq baiqaý ótedi.
Baiqaýdy QR Mádeniet jáne sport ministrligi Til saiasaty komiteti Shaisultan Shaiahmetov atyndaǵy «Til-Qazyna» ulttyq ǵylymi-praktikalyq ortalyǵy uiymdastyrmaq, dep habarlaidy "Ult aqparat".
Baiqaýdyń maqsaty – qoǵam qairatkeri, qazaqtyń ulttyq ǵylymynyń kóshbasshysy Ahmet Baitursynulynyń ǵylymi-pedagogikalyq muralarynynyń sabaqtastyǵyn jalǵastyrý. Sondai-aq, memlekettik tildiń qoldanylý aiasyn keńeitý jáne ony sapaly oqytý maqsatyn júzege asyryp júrgen úzdik oqytýshylardyń jańashyl ádis-tásilderdi qoldanýdaǵy jumys tájiribesimen tanysý, qazaq tiliniń jas mamandary arasynda shyǵarmashylyqpen jumys jasaityn oqytýshylardy anyqtap, ozyq tájiribelerin taratý, sondai-aq memlekettik tildi oqytyp júrgen oqytýshylardyń kásibi bedeli men qoǵamdaǵy mártebesin arttyrý bolyp otyr.
Respýblikalyq baiqaý úsh kezeńnen turady: birinshi kezeń – qatysýshylardyń ózderi, oqý materialdary jáne jetistikteri jaily aldyn ala daiyndaǵan beinetanystyrylym kórsetedi. Ekinshi kezeń – qatysýshylardyń pedagogikalyq-psihologiialyq jaǵdaiattarǵa arnalǵan tapsyrmalardy oryndaýy; úshinshi kezeń – 20-25 minýt kóleminde sabaq úlgisin kórsetý.
Atalǵan sharaǵa elimizdiń 16 óńiriniń oqytýshylary qatysady. Respýblikalyq baiqaý jeńimpazdaryn ádisker-ǵalymdardan quralǵan qazylar alqasy anyqtaidy. Jeńimpazdar arnaiy diplomdar, alǵyshattarmen jáne qarjylai syilyqtarmen marapattalady.
«Ahmet Baitursynuly – qazaq til bilimi men qazaq tilin oqytý ádistemesiniń negizin qalaǵan ǵalym-ustaz ekendigi kókiregi oiaý, kózi ashyq ortaǵa aian. Ǵalymnyń qazaq tilin oqytýǵa arnalǵan «Metodika máseleleri», «Qai ádis jaqsy?», «Oqý quraly» jáne t.b. muralary jas ǵalym-zertteýshi, pedagog-ádisker jastarǵa máńgi azyq bolary sózsiz. Qazirgi tańda zertteýshi-ádiskerler qazaq tilin úiretýde qoldanylyp júrgen oqytýdyń tiimdi jańashyl tehnologiialary jaily ideialardyń Ahmet Baitursynulynyń ádistemelik eńbekterinen bastaý alatyndyǵyn dáleldep júr. Sondyqtan ult ǵalymynyń ádis-tásilderi jaily tujyrymdarynyń ómirsheńdigin zerdelei otyryp, qazaq tilin oqytý ádistemesine tolyqqandy paidalaný arqyly onyń muralaryn jańǵyrtý jas oqytýshylardyń quzyrynda», - delingen baspasóz baianynda.
