Foto: csanetwork.it
«Muǵalim mártebesi qandai?» degen suraqtyń jaýaby – «Pedagog mártebesi týraly» Zań. Ustazdardyń quqyǵy, bedeli, áleýmettik jaǵdaiy zańmen bekitilip, úlken qurmet kórsetilgen soń, olarǵa qoiylatyn kásibi talap ta arta túsedi. Osy oraida Ult.kz tilshisi bolashaq muǵalimdermen tildesip kórdi.
Pedagogikaly joǵary oqý ornynda oqityn bolashaq muǵalimder pedagogika diplomatiiaǵa uqsas ekenin alǵa tartady. Óitkeni muǵalim oqýshymen ortaq til tabysyp, bir tolqynda bolyp qana qoimai, sonymen birge, olardyń aldynda qurmet pen bedeldi joǵaltpaýy kerek dep esepteidi.
«Muǵalim óz pánine úlken qyzyǵýshylyq týdyrýy kerek. Meniń oiymsha, búgingi tańdaǵy muǵalim sońǵy tehnologiiamen, «tsifrmen» jáne t.b. bailanysty emes, virtýaldy álem, árine, tartymdy, biraq ol shynaiy álemdi almastyra almaidy.
Sondai-aq, meniń oiymsha, muǵalim balalarǵa ómirde óz jolyn tańdaýǵa, óz pánine degen qumarlyqty tabýǵa kómektesýi kerek, eger bul burynnan bar bolsa, ony odan ári damytý kerek. Maǵan muǵalimniń ázil-qaljyńy bolǵany jáne sabaqtaǵy qiyn jaǵdai týyndasa, ony jeńe alatyny unaidy.Biz, bolashaq muǵalimder, konstrýktivti dialog júrgizýdi, balampen qarym-qatynas ornatýdy tolyq megerýimiz kerek», – deidi bolashaq muǵalim Elenora Aitbekqyzy.
Meiirim, jusaqtyq, dostyq, ázil óz aldyna, muǵalim kerek kezde qadal ári ádil de bolýy kerek dep esepteitin bolashaq mamandar da bar. Olardyń pikirinshe, árkimniń óz orny bolý kerek. Muǵalim mártebesi sonda ǵana ózó orynn saqtap qala alýy múmkin.
«Oqýshylar ustazdarynyń árqashan meirimidi bolǵanyn qalaýy múmkin. Degenmen muǵalim qatal bolyp, úi tapsyrmasyn, testterin ádil baǵalaýy kerek. Eger bala muǵalimmen arasynda yńǵaisyzdyqty baiqasa, ony sezilmeitin túrde joiýǵa bolady. Muǵalim oqýshylarǵa ashyq bolyp, synyptaǵy atmosfera erkin bolady.
Muǵalim – shákirtterimen bir tolqynda júretin adam. Syrttai qaraǵanda, ol kez kelgen nársege uqsaýy múmkin.
Zamanaýi muǵalim gadjetterdi túsinýi kerek jáne jalpy oqýshylarmen ómir súretin barlyq nárselerden habardar bolýy kerek, ásirese olar joǵary synyp oqýshylary bolsa. Áitpese muǵalim avtoritet bolmaidy. Ol sondai-aq qazirgi oqiǵalar nemese ózińizdiń qandai da bir máseleńiz týraly surap, jaýap ala alatyn adam bolýy kerek. Iaǵni, ol óz páninen tys saýatty adam bolýy kerek», – deidi Hasen Janbatyrov.
«Pedagog mártebesi týraly» Zań muǵalimderge serpilis ákeldi. Muǵalimniń quqy arnaiy zańmen qorǵalatyn boldy degen aqparat muǵalimniń qoǵam aldyndaǵy eńsesin bir kóterip tastaǵany anyq. Al zańda kórsetilgen muǵalimniń quqyǵy «Bilim týraly zańda», «Eńbek kodeksinde», t.b. zańdarda da burynnan bar bolatyn. «Pedagog mártebesi týraly» Zań da osy zańdar qatarynda jatyp qalmaýy úshin muǵalim óz quqyǵyn zańmen qorǵai bilýi mańyzdy. Ol úshin muǵalim mekteptegi basty tulǵaǵa ainalyp, muǵalimniń oqýshyǵa sapaly bilim berýine barlyq jaǵdai jasalynýǵa tiis.
Ustaz mártebesi – astary tereńde jatqan qadirli uǵym jáne qoǵam jaýapkershiligin anyqtaityn ólshem. Pedagog tuǵyry – qoǵam men memleket tuǵyry. Qai memleket ustazdaryna qatysty qandai saiasat ustansa, memlekettiń bedeli de soǵan sai qalyptasady. Sondyqtan elimizdegi muǵalim bedelin arttyra túsken zań jobasynyń qabyldanýy ustazdar mereiin ósire tústi. «Alty alashtyń basy birikse, tórdegi oryn – ustazdiki» degen halqymyzda muǵalimdi qadirleýge bailanysty tamasha dástúr bar.
Árine bilim salasynyń ózindik, kásibi turǵyda qiyndyqtary bar. Shyn ustaz shákirtteriniń aldynda eshqashan da jalǵan, jasandy, júiesiz áreketke barmaidy. Jalpy, ádildik pen tazalyqtyń bastaýy – mektep. Osy tetik umytylmasa, qoǵam qai jaǵynan da kóshten qalmaidy.
