Muǵalim qyzmetine qoiylatyn talap kúsheiedi. Bul týraly búgin Úkimet otyrysynda «Pedagog mártebesi týraly» zań jobasyn tanystyrǵan QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
«Pedagog mártebesin arttyrý arqyly muǵalimniń qyzmetine qoiylatyn talaptar da kúsheimek. Sondyqtan zań jobasyna sáikes, 2021 jylǵy 1 qańtardan bastap ýniversitet túlekteri pedagog biliktiligine sáikestigin rastaityn bolady. Sonymen qatar qoldanystaǵy shekteýlerden basqa psihikalyq jáne minez-qulyqtyq aýytqýy bar, áreketke jaramsyzdyǵyna bailanysty dárigerdiń baqylaýynda turǵan adamdardy pedagog qyzmetimen ainalysýǵa tyiym salynady», - dedi Ashat Aimaǵambetov.
Onyń atap ótýinshe, munan bólek zań jobasynda jetim balalar men ata-analardyń qamqorlyǵynsyz qalǵan balalardy ornalastyrý boiynsha kommertsiialyq emes uiymdardy engizý, Prezidenttiń quzirettiliginen ulttyq joǵary oqý oryndarynyń rektorlaryn taǵaiyndaý jónindegi ókilettikterdi Úkimetke berý jáne basqa da sharalar kózdeledi.
