29 mamyr kúni Mańǵystaý oblysyndaǵy Ádep jónindegi keńesiniń kezekti otyrysy ótti. Keńeste otyrysynda, Qaraqiia aýdany Senek aýylynyń ákimi B.Erkegýlovke qatysty tártiptik is qaraldy.
Tártiptik is boiynsha atap óter bolsaq, aýmaqtyq Departamentpen Ádep kodeksi talabynyń saqtalýyna júrgizilgen monitoring barysynda, «feisbýk» áleýmettik jelisinde Senek aýylynyń ákimi tarapynan jeke sharýashylyǵyna qyzmettik kólikpen júretindigi, júrgizýshisi óziniń balasy ekendigi jáne balasy qalada jumys jasaityndyǵy jóninde syni pikirin bildirgeni kórinis tapqan bolatyn.
Qyzmetshi B.Erkeǵulov óz túsindirmesinde aýylda basqa kólik júrgizýshisi tabylmaǵandyqtan, uly B.Qurmantaidy selo ákiminiń qyzmettik kóligine júrgizýshi bolyp jumysqa qabyldaǵanyn, qyzmettik kólik ákimshilik aýmaǵyndaǵy sharýashylyq qojalyqtaryna baratynyn jáne balasynyń basqa seriktestikte smendik jumysqa ornalasqannan keiin tabelge tek jumysqa qatysý kúnderin kórsetip otyrǵanyn jetkizdi.
Alaida, qosymsha tekserý kezinde syrǵalaý, maldardy egý qyzmetteri aýdandyq veterinariialyq stantsiiasyna qarasty «Senek» veterinariialyq pýnkti mamandary arqyly júrgiziletindigi jáne qyzmetterdi atqarýǵa osy mekemege tiesili avtokóliktiń paidalanylǵandyǵy, sondai-aq Senek aýyly ákimdiginiń apparatynan «kólik júrgizýshi» mamandyǵy boiynsha suranys bolmaǵandyǵyn anyqtady.
Buǵan qosa, seriktestikte smendik jumysqa ornalasýyna bailanysty avtokólik júrgizýshisi balasyna qatysty jumys ýaqytyn qysqartý týraly ókim shyǵarylmai, tek tabelge jumys atqarǵan ýaqytyna saǵat belgileýmen shektelip kelgen.
Keńes músheleri ákim B.Erkegýlovtyń óz kinásin moiyndaǵanyn eskerip, múddeler qaqtyǵysynyń týyndaýyna sebepker bolý arqyly Ádep kodeksiniń talabyn buzýyna jol bergeni úshin, oǵan «sógis» túrindegi tártiptik jaza qoldaný týraly sheshim qabyldady.
