Jambyl oblysy Moiynqum aýdanynan Qyzylorda oblysyna 1000 teń shóp jóneltildi, dep habarlaidy "Ult aqparat".
Moiynqum aýdanynyń ákimi Máden Musaevtyń qoldaýymen jáne Qarabóget aýyldyq okrýginiń ákimi Baǵdat Satybaldievtiń uiymdastyrýymen Qyzylorda oblysy, Sekseýil aýylyna 1 vagon (1000 teń) shóp jóneltildi.
Bul ilkimdi iske erekshe atsalysqan Qarabóget aýyldyq okrýgine qarasty Qumózek aýylynyń «Maqpal» sharýa qojalyǵynyń jetekshisi Nurjan Baiuzaqov pen «Aitjan» sharýa qojalyǵynyń jetekshisi Jaras Saýlebaevtyń eńbekteriniń kóp ekenin aita ketken jón.
«Moiynqum – shóbi shúigin, tastai salǵan taiaǵy tamyrlanǵan tal bop ósetin topyraǵy qunarly naǵyz shóptiń otany deýge bolady. Asan qaiǵy babamyzdyń «…Jeti jyl qatarynan jut kelse de asha tuiaq mal qalsa seniń baýyryńda qalady eken» dep joǵary baǵa berýide sondyqtan bolar. Qazir elimizde bolyp jatqan qýańshylyqta «malym janymnyń sadaǵasy» dep mal azyǵy úshin janyn shúberekke túiip, shópten tarshylyq kórip otyrǵan aimaqtar qatary azaiar emes. Olarǵa Úkimettiń jáne jany jomart jeke kásipkerlerdiń qoldaýymen respýblikamyzdyń túkpir-túkpirinen kóptegen kómekter kórsetilýde. Bul turǵyda qashanda qaiyrymdy istiń qatarynan qalmaityn moiynqumdyqtar da belsendilik tanytýda», - deidi aýdan ákimi.
