Foto: ashyq derekkóz
Jambyl oblysy Moiynqum aýdany, Kúshaman aýylynda qaiǵyly oqiǵa boldy. Tún ishinde qoian aýlaýǵa shyqqan 13 jastaǵy jasóspirimderdiń biri abaisyzda ekinshisin atyp óltirdi, dep habarlaidy Ult.kz.
Oblystyq politsiia departamenti derekti rastady. Aldyn ala málimetke súiensek, 2012 jyly týǵan balalar qoian atpaq bolǵan. Biri jaralaǵan qoianǵa jaqyndap bara jatqanda, ekinshisi janýardy qaitadan atpaq bolyp oq shyǵarǵan. Alaida oq qoianǵa emes, dosyna tiip, ol oqiǵa ornynda kóz jumdy.
"Politsiia kúdikti balany bólimshege jetkizdi. Qazir oqiǵanyń tolyq mán-jaiy anyqtalyp jatyr. Sonymen birge túnde kámeletke tolmaǵan balalarǵa myltyq ustatyp, ańǵa shyǵýǵa ruqsat bergen ata-analardyń jaýapkershiligi de qaralýda", – dep málimdedi vedomstvonyń baspasóz qyzmeti.
