Byltyr mopedter men samokat tepken 68 adam jaraqat alǵan. QR Ishki ister ministrligi Ákimshilik politsiia komitetiniń tóraǵasy Atyǵai Arystanov ortalyq kommýnikatsiialar qyzmetinde osyndai derek keltirdi, dep habarlaidy QazAqparat.
«Moped, mototsikl, samokat siiaqty mobildi qozǵalys quraldaryn tizgindegenderdiń kesirinen qansha jol-kólik oqiǵasy boldy? Sonyń aldyn alýúshin ne istep jatyrsyzdar?», - dep surady BAQ ókili Atyǵai Arystanovtan.
«Biylǵy úsh aida mopedter men samokattardyń qatysýymen jol-kólik oqiǵalary tirkelgen joq. Byltyr 68 oqiǵa tirkelgen edi. Ókinishke qarai, 1 adam kóz jumyp, 68 adam jaraqat alǵan. Bul másele óte ózekti. Byltyr da, biyl da kún tártibinde qaralǵan bolatyn. Samokattar, mopedter men mototsiklder jol erejesin jii buzady», - deidi Atyǵai Arystanov.
Sondai-aq ol qazaqstandyqtardy balalaryna osy tiptegi kólik satyp alar kezde oilanýǵa shaqyrdy.
«Men ata-analar men eresekterdiń nazaryn osy máselege aýdarǵym keledi. Balalarymyzǵa samokattar, mopedter men mototsiklder satyp alyp beremiz. Bul táýekel ekenin túsinýimiz kerek. Óitkeni bul oiynshyq emes, qozǵalys quraly. Jýyqta jaz bastalady. Sondyqtan bulmáselege erekshe nazar aýdartqym keledi. Mototsikl nemese mopedaýldyńqanshalyqty qajet ekenin oilanyp kórińizder. Ne artqy ainasy, ne burylys shamy joq. Sondyqtan táýekel joǵary», - dedi komitet basshysy.
