Foto: Getty Images
Qazaqstandyq tennisshi álemdik reitingte óz pozitsiiasyn jaqsartyp, kelesi týrnirge daiyndalýda, dep habarlaidy Ult.kz sports24.kz-ke silteme jasap.
Qazaqstannyń birinshi raketkasy Elena Rybakina jaqynda Monreal qalasynda ótken jarysta jeńiliske ushyraýyna qaramastan, jaǵymdy jańalyqtarǵa ie boldy.
WTA-1000 kategoriiasyndaǵy týrnirde Rybakina jartylai finalǵa deiin jetip, 18 jastaǵy kanadalyq Viktoriia Mbokoǵa jol berdi. Aita keterligi, dál sol Viktoriia Mboko týrnirdiń chempion ataǵyn jeńip aldy.
Degenmen, bul jeńilis Elenanyń reitingtegi pozitsiiasyna áser etpedi: ol 12-shi orynnan 10-shy orynǵa kóterilip, uzaq ýaqyttan keiin qaitadan álemniń úzdik on tennisshisiniń qataryna endi.
Kelesi týrniri — AQSh-taǵy Tsintsinnati qalasynda ótetin WTA-1000 seriiasyndaǵy jarys. Birinshi ainalymda ol meksikalyq tennisshi Renata Sarasýelomen kezdesedi.
Sondai-aq Rybakinany jeńgen Viktoriia Mboko Monrealda ótken WTA 1000 týrniriniń chempiony atandy.
