Túrkistan oblysynda sharýalar shaǵymynan keiin "Qazfosfat" JShS-ǵa qatysty tergeý bastaldy. Bul týraly Básekelestikti qorǵaý jáne damytý agenttigi habarlady, - dep habarlaidy Tengrinews.kz.
"Aýyl sharýashylyǵy óndirýshilerinen jáne Jambyl oblysy ákimdiginen túsken ammofos baǵasyn kóterý týraly shaǵym negizinde Básekelestikti qorǵaý jáne damytý agenttigi "Qazfosfat" JShS qatysty monopoliiaǵa qarsy tergep-tekserý júrgizip jatyr", - delingen habarlamada.
Vedomstvo málimetinshe, ammofosty bastapqy satý naryǵyndaǵy básekelestik jaǵdaiyn taldaý barysynda "Qazfosfat" JShS ústem jaǵdaiǵa ie ekeni anyqtalǵan.
"2021 jylǵy qarashada ammofos baǵasy 125 000 teńgeden 168 750 teńgege deiin ósti. Jyl basymen salystyrǵanda ósim 35 paiyz boldy. Bul rette 2022 jylǵy qańtarda baǵa 185 625 teńge boldy. 2021 jylǵy qańtarǵa qatynasy boiynsha baǵanyń ósýi - 48,5 paiyz.
Sonymen qatar, taýardy óndirý jáne satý úshin qajetti shyǵystardyń ózgerýi taýardy satý baǵasynyń ózgerýine sáikes kelmeidi. Tergep-tekserý barysynda "Qazfosfat" JShS ústem jaǵdaidy teris paidalana otyryp, ammofosty monopoliialyq joǵary baǵa boiynsha satqany anyqtaldy, bul óz kezeginde túpkilikti ónimniń baǵasyna, sondai-aq jalpy satyp alý qabiletine áser etedi", - delingen habarlamada.
