Almaty prokýrorlary suiytylǵan gaz satýmen ainalysatyn monopolist kompaniiaǵa qatysty sotaldy tergep-tekserýdi bastady, - dep habarlaidy Tengrinews.kz tilshisi qadaǵalaý organynyń baspasóz qyzmetine silteme jasap.
Áńgime Petrosun JSSh kompaniiasy týraly. Kompaniianyń ońtústik óńirlerde naryqtaǵy úlesi 77 paiyzǵa jýyq. Prezident Qasym-Jomart Toqaevtyń tapsyrmasynan keiin Almaty prokýrorlary kompaniia qyzmetin tekserýge kirisken. Olarǵa Básekelestikti qorǵaý jáne damytý agenttiginiń Almatydaǵy departament qyzmetkerleri kómektesken.
"Mamandardyń aitýynsha, byltyr qyrkúiekten jeltoqsanǵa deiin Petrosun aimaqtaǵy qyzmetin asyra paidalanyp, ai saiyn avtogaz baǵasyn barynsha joǵarylatqan. Nátijesinde osy kezeńdegi ózindik qun bir tonna taýarǵa 323,8 paiyzǵa deiin ósti. Derek boiynsha prokýratýra Qazaqstan Respýblikasy Qylmystyq kodeksiniń 221-babynyń 2-bóligi ("Monopoliialyq qyzmetti teris paidalaný") boiynsha qylmystyq is qozǵady", - delingen habarlamada.
