Almatynyń bas sanitar dárigeri Jandarbek Bekshin onlain brifing barysynda «baraholka» bazaryn nege tekserýge bolmaitynyn túsindirdi, dep habarlaidy "Ult aqparat".
Jýrnalister onlain brifing barysynda monitoring toptary nege tek kafeler men meiramhanalardy tekserip, «baraholkada» tekserý júrgizbeitinin surady.
«Bul nysandar tekserilmeidi emes, tekseriledi. 1,5 ai buryn bir jerde jaqyn ornalasqan bazarlarǵa 1 mln teńge aiyppul salyndy. Alaida epidemiologiialyq taldaýlarǵa sensek, infektsiianyń 37% jabyq jerlerde taralady. Túngi klýbtarda adamdar 5-6 saǵat jabyq jerde jaqyn otyrady. Al bazarǵa barsaq, satýshynyń aldynda uzaq turmaimyz. Zatymyzdy alyp, kete beremiz», - dedi ol.
Aita ketý kerek, 24 qazanda Almatyda monitoring toptary 59 nysandy tekserip, 11 nysanda karantin talaptary buzylǵanyn anyqtady.
