Qyzylorda oblysynyń taýarlar men kórsetiletin qyzmetterdiń sapasy men qaýipsizdigin baqylaý departamenti №6, №4, №1 qalalyq emhanalarda, «SQ-Farmatsiia» jaýapkershiligi shekteýli seriktestiginiń qoimasyna jáne qalanyń 24 dárihanasynda monitoring júrgizdi, dep habarlaidy "Ult aqparat".
Bul týraly óńirlik kommýnikatsiialar qyzmetiniń aqparat alańynda ótken brifingte taýarlar men qyzmetterdiń sapasy men qaýipsizdigin baqylaý departamenti farmatsevtikalyq baqylaý bóliminiń bastyǵy Nurbek Ádilhanov málimdedi.
«Monitoringtiń 4 kúniniń qorytyndysy boiynsha №6, №4, №1 qalalyq emhanalar joǵaryda kórsetilgen nozologiia boiynsha MÁMS júiesinde ambýlatoriialyq deńgeide tegin dárilik zattarmen qamtamasyz etilgeni anyqtaldy. Qazirgi tańda 24 dárihananyń birneshe dárihanasynda keibir dárilik zattar joq, degenmen dárilik zattar kún saiyn jetkizilýde», - dep atap ótti bólim basshysy.
Monitoring tobynyń jumysy 31 shildege deiin jalǵasady.
