Mońǵoliianyń tuńǵysh Olimpiada chempiony, dziýdoshy Naidangiin Tývshinbaiar dosyn óltirgeni úshin 16 jylǵa sottaldy, - dep habarlaidy Tengrinews.kz agenttigi Sonin portalyna silteme jasap.
Oqiǵa 2021 jyly sáýirde bolǵan. Tývshinbaiar mas kúiinde dosyn ońdyrmai sabaǵan, er adam alǵan jaraqattary saldarynan birneshe aidan keiin kóz jumypty.
Sotta Tývshinbaiar kinásin moiyndap, bolǵan jaitqa ókinetinin aitqan. Onyń sózinshe, dosy Naidangiinniń úlken jetistikterge jetýine zor úles qosqan eken. Sportshy kóz jumǵan dosynyń otbasyna iri somada ótemaqy da tólepti.
"Dosymdy óltirmek emes edim. Men kinálimin, sot maǵan qatysty sheshimin shyǵarsyn. Men dosymnyń otbasyna ómir boiy kómektesemin", - dedi ol.
Eske salaiyq, 100 kelide beldesken Tývshinbaiar 2008 jyly Beijińde Mońǵoliia tarihynda alǵash ret Olimpiada altyn medalin jeńip alǵan edi. Al 2012 jyly "kúmis" jeńip alyp, Olimpiadanyń birneshe júldesin ielengen birinshi mońǵoliialyq bolǵan.
