موڭعولييانىڭ تۇڭعىش وليمپيادا چەمپيونى, دزيۋدوشى نايدانگيين تۋۆشينبايار دوسىن ٶلتٸرگەنٸ ٷشٸن 16 جىلعا سوتتالدى, - دەپ حابارلايدى Tengrinews.kz اگەنتتٸگٸ Sonin پورتالىنا سٸلتەمە جاساپ.
وقيعا 2021 جىلى سەۋٸردە بولعان. تۋۆشينبايار ماس كٷيٸندە دوسىن وڭدىرماي ساباعان, ەر ادام العان جاراقاتتارى سالدارىنان بٸرنەشە ايدان كەيٸن كٶز جۇمىپتى.
سوتتا تۋۆشينبايار كٸنەسٸن مويىنداپ, بولعان جايتقا ٶكٸنەتٸنٸن ايتقان. ونىڭ سٶزٸنشە, دوسى نايدانگييننٸڭ ٷلكەن جەتٸستٸكتەرگە جەتۋٸنە زور ٷلەس قوسقان ەكەن. سپورتشى كٶز جۇمعان دوسىنىڭ وتباسىنا ٸرٸ سومادا ٶتەماقى دا تٶلەپتٸ.
"دوسىمدى ٶلتٸرمەك ەمەس ەدٸم. مەن كٸنەلٸمٸن, سوت ماعان قاتىستى شەشٸمٸن شىعارسىن. مەن دوسىمنىڭ وتباسىنا ٶمٸر بويى كٶمەكتەسەمٸن", - دەدٸ ول.
ەسكە سالايىق, 100 كەلٸدە بەلدەسكەن تۋۆشينبايار 2008 جىلى بەيجٸڭدە موڭعولييا تاريحىندا العاش رەت وليمپيادا التىن مەدالٸن جەڭٸپ العان ەدٸ. ال 2012 جىلى "كٷمٸس" جەڭٸپ الىپ, وليمپيادانىڭ بٸرنەشە جٷلدەسٸن يەلەنگەن بٸرٸنشٸ موڭعولييالىق بولعان.
