Mońǵoliia biligi jappai narazylyqqa sebep bolǵan kómir urlaý isin tergeý úshin komissiia qurady, - dep habarlaidy Massaget.kz portaly Mass telearnasyna silteme jasap.
Bul týraly parlament spikeri Gombojavyn Zandanshatara málimdegen. Onyń aitýynsha, parlament kómir urlaý týraly is boiynsha ashyq tyńdalym ótkizedi. Osy is-sharada bul iske qatysqan sheneýnikterdiń esimderi jariialanady.
"Shtat kongresi kómir isi boiynsha ashyq tyńdalym ótkizedi. Kómir isine qatysqan sheneýnikterdiń esimderi ashyq tyńdalymda jariialanady. Parlament músheleri halyqtyń elshileri sanalady jáne halyq bailyǵyn urlaǵan kez kelgen adam zańmen jazalanýy kerek", - delingen habarlamada.
Sondai-aq, ol kómir satýdaǵy sybailas jemqorlyq pen paraqorlyq barlyq deńgeide bar ekenin aitty.
"Barlyq deńgeide sybailas jemqorlyq pen paraqorlyq bolǵandyqtan, máseleni keshendi jáne quqyqtyq normalarmen sheshý qajet. Mundai másele alda da týyndamaýy úshin bári jurtshylyqqa ashyq bolýy kerek", - dedi ol.
Eske salaiyq, buǵan deiin Mońǵoliiada jappai miting bolyp jatqany habarlanǵan edi. Másele kómirge bailanysty týyndaǵan. Jergilikti BAQ ókilderi Mońǵoliiadan shyǵarylǵan kómir mólsheri Qytaiǵa jetkizilgennen basqasha ekenin málimdegen bolatyn. Osyǵan bailanysty elde narazylyq bastalǵan.
