Byltyr kóktemde Dornod aimaǵyndaǵy Tsagaan-Ovoo somonynyń turǵyndary ózderi turatyn jerde jádigerlerdiń bar ekendigin málimdegen bolatyn. Osyǵan orai Dornod aimaǵy ákimshiliginiń qoldaýymen arnaiy zertteý toby qurylǵan edi, dep habarlaidy MONTsAME agenttigi.
Keshe, 13 qańtarda zertteý toby úlken tarihi jáne mádeni máni bar tabylǵan olja týraly tolyq aqparatty usyndy.
Zertteý qorytyndysy boiynsha, Tsagaan-Ovoo somonynda 700-den astam jádiger tabylǵan, sonyń ishinde súiekten jasalǵan monshaq, qola pyshaqtar, monetalar, kúiiktas bólshekteri, jebeniń qola aiylbastary, balta, temir pyshaqtar, jebe ushtary, shegeler, metall konteinerlerdiń qaldyqtary jáne temir qoj bar.
Zertteýshiler tabylǵan jádigerlerdiń tas ǵasyr kezeńin, erte temir ǵasyr, qola ǵasyr, Hýnný imperiiasy ǵasyryn jáne orta ǵasyrdy qamtyp otyrǵanyn aitady. Sondai-aq, tabylǵan zattar bul jerde buryn óz kásipterimen ainalysqan adamdar mekendegenin jáne olardyń kórshi aimaq turǵyndarymen keńinen bailanys ornatqanyn rastap otyr.
