Qazaqstan Respýblikasynyń Mońǵoliiadaǵy Tótenshe jáne Ókiletti Elshisi Jalǵas Ádilbaev kanadalyq otbasy Kreig Portell men Sara Portelldi jáne olardyń eki qyzyn qabyldady. Bul týraly "Ult aqparat" Elshiliktiń jelidegi paraqshasyna silteme jasap habarlaidy.
Kreig Portell 1998 jyly Mońǵoliianyń Baian-Ólgii aimaǵyna alǵashqy ret kelip, jergilikti qandastarymyzǵa aǵylshyn tilinen sabaq bergen. Keiin Portell otbasy osy aimaqqa kóship kelip, 8 jyl ishinde «Nova Lingua» Bilim ortalyǵyn ashyp, jergilikti qazaqtarǵa aǵylshyn tilin, al Baian-Ólgii tabiǵatyn qyzyqtaý úshin kelgen shetel týristerine qazaq tilin úiretýmen ainalysqan. Qazirgi ýaqytta Ulan-Batyr qalasynda muǵalimdik mamandyqtary boiynsha jumys isteidi.
Kezdesý barysynda Portell otbasy qazaq tilin meńgerý qiyn bolmaǵanyn jáne balalary da azdap qazaqsha túsinetinderin aitty. Bolashaqta Kreig pen Sara Qazaqstanǵa qonys aýdarýdy jáne elimizdiń sat-dástúrimen jáne ádet-ǵurpymen tanysýdy josparlaýda.
Óz kezeginde Elshi J.Ádilbaev kele jatqan Naýryz meiramy qarsańyndaǵy Elshilik tarapynan uiymdastyratyn is-sharalarǵa belsene qatysýǵa shaqyra otyryp, ana tilimizdi meńgergen ózge ult ókilderine qoldaý kórsetýge daiyn ekenimizdi jetkizdi.
Kezdesý sońynda, qazaqstandyq diplomat qonaqtarǵa Qazaqstannan estelik retinde ulttyq naqyshtaǵy syilyqtardy tartý etti.
