Sársenbi kúni Mońǵoliianyń Ministrler kabineti jalpy bilim berý mektepteri men basqa da oqý oryndary aýmaǵynda smartfondar qoldanýǵa shekteý qoiý týraly sheshim qabyldady. Úkimettiń bul qaýlysy osy jyldyń 1 qazanynan bastap kúshine enedi, dep habarlaidy "Ult aqparat" MONTsAME agenttigine silteme jasap.
Atap ótilgendei, qazirgi tańda Mońǵoliiada 8-17 jas aralyǵyndaǵy balalardyń 71,8 protsenti uialy telefondy belsendi qoldanady. Onyń 54,6 protsentinde internet qosylǵan.
Ǵalymdar men dárigerler 12 jasqa tolmaǵan balalarǵa smartfon berýge bolmaitynyn eskertýde. Sebebi, joǵary dáldiktegi elektromagnittik sáýleler balalardyń densaýlyǵyna ziian keltiredi.
