Búgin Mońǵoliianyń ministrler kabineti 1 mamyrdan bastap shekarany ashý týraly sheshim qabyldady. Bul týraly vitse-premer, Memlekettik tótenshe komissiia basshysy S.Amarsaihan málimdedi, dep habarlaidy "Ult aqparat" MONTsAME agenttigine silteme jasap.
S.Amarsaihannyń aitýynsha, premer L.Oiýýn-Erdene ótken aptada týristik sala ókilderimen kezdesip, sala qyzmetin qalypty rejimde jalǵastyrý úshin qajetti sharalardy qabyldaýǵa nietti ekenin bildirgen. Sondai-aq ol «Halyqqa aýqymdy vaktsina egý protsesi tiimdi júrgizilse jáne memlekettik organdar men jeke sektorlar tiisti sanitariia-epidemiologiialyq sharalardy qatań saqtasa, Úkimet 1 mamyrdan bastap shekarany ashý úshin belsendi jumys júrgizedi», dep atap ótti.
Osyǵan bailanysty baqylaý-ótkizý pýnktteriniń (BÓP) ázirligin qamtamasyz etý jónindegi MTK jumys toby BÓP-tegi sanitariia-gigienalyq jaǵdaidy jaqsartý úshin Altanbýlag jáne Zamyn-Úúd sumyndarynda, sondai-aq batys jáne shyǵys shekara mańyndaǵy aýdandarda jumys istedi.
