Mońǵoliia 1 mamyrdan bastap áýe shekaralaryn ashady. Alaida qazirgi kezde tek vaktsina tolyq kólemde egilgen azamattarǵa ǵana kirýge ruqsat etý josparlanyp otyr. Bul týraly Mońǵoliianyń MONTsAME agenttigi habarlady.
Mońǵoliia úkimetiniń kezekten tys otyrysynda qabyldanǵan sheshimder jariialanǵan baspasóz máslihaty kezinde eldiń premer-ministri L.Oiýýn-Erdene osylai málim etti.
Úkimet basshysynyń atap ótýinshe, tiimdi ekonomikalyq áserden basqa, bul áýe shekaralary ashylǵan soń eki aidyń ishinde Hýshig ańǵarynda jańa halyqaralyq áýejaiyn ashýǵa múmkindik beredi.
«1 shildege qarai maqsatty topty tolyq vaktsinalaý týristerdi elge kelýge yntalandyryp, álemge pozitivti signal joldaidy. Bul maqsatpen biz áýejaidy Naadam ulttyq merekesiniń aldynda ashý úshin arnaiy jumystar júrgizýdemiz», - dedi L.Oiýýn-Erdene.
Eske sala ketsek, Mońǵoliia úkimeti kezekten tys otyrysynda joǵary daiarlyqtyń qazirgi rejimin qyzǵylt sary deńgeiden qyzyl deńgeige aýystyrý jáne 10-25 sáýir kúnderi aralyǵynda qatań karantin rejimin engizý sheshimin qabyldady.
