Ýkrainamen shektesetin Moldovanyń jikshil Pridnestrove aimaǵynyń "biligi" 27 sáýirde Ýkraina jaqtan drondar ushyrylyp, reseilik oq-dári qoimasy ornalasqan eldi meken mańynda atys bolǵanyn málimdedi, dep habarlaidy Azattyq.
"Ótken túni Kobasna eldi mekeninde birneshe dronnyń ushyp júrgeni baiqaldy. Ýkraina jaqtan kelgen drondar Pridnestrove aýmaǵyna ushyryldy" dep jazylǵan ózin Pridnestroveniń "ishki ister ministrligi" dep jariialap alǵan mekeme saitynda.
Máskeý qoldaityn Pridnestrove aimaǵynyń "biligi" keiingi birneshe kúnde "telemunarada jarylys bolǵanyn", "separatistik áskeri bólimge shabýyl jasalyp", "memlekettik qaýipsizdik ministrliginde" jarylys bolǵanyn málimdegen. Pridnestrove "biligi" oqiǵalardy "lańkestik shabýyl" dep atady. Kreml jaǵdaiǵa "alańdaýshylyq bildirdi".
Buǵan deiin Resei biligi Ýkrainadaǵy "arnaiy operatsiianyń taǵy bir maqsaty" – Ýkraina ońtústigine baqylaý ornatý, sebebi bul Reseige "zábir shekken orys tildi halyq turatyn" Pridnestrovemen bailanys ornatýǵa múmkindik beredi dep málimdegen edi. Keibir sarapshylar Pridnestrove men Resei biliginiń osy málimdemeleri arasynda tike bailanys bar dep sanaidy.
