Foto: mai.gov.md
Ýkrainanyń áýe shabýylyna qarsy qorǵanys júiesi atyp túsirgen zymyran Moldovanyń soltústigine qulady. Bul týraly eldiń Ishki ister ministrligi habarlady, dep jazady Tengrinews.kz agenttigi.
Vedomstvo zymyrandy ýkrainalyq áýe shabýylyna qarsy qorǵanys júiesi atyp túsirgenin jáne Ýkrainamen shekarada ornalasqan Naslavcha aýylynyń soltústigne qulaǵanyn atap ótti.
"Ýkrainanyń áýe shabýylyna qarsy qorǵanys júiesi atyp túsirgen zymyran Moldova Respýblikasynyń Ýkrainamen shekarasynda ornalasqan Naslavcha aýylynyń soltústik bóligine qulady. Qazirgi ýaqytta zardap shekkender joq, Naslavchadaǵy birneshe úidiń terezeleri synǵan", - delingen ministrlik habarlamasynda.
Ýkraina biligi sý basý qaýpi joq ekenin habarlaǵan. Qazirgi ýaqytta yqtimal qaýipti boldyrmaý maqsatynda Ishki ister ministrliginiń áskerleri aýmaqty qorshaýǵa alyp, oqiǵa ornynda jedel-izdestirý toby jumys istep jatyr. Zardap shekkender týraly málimet joq, biraq birneshe úidiń terezeleri zaqymdanǵan.
NordNews portaly baqylaý kamerasy túsirgen videony jariialady. Resei armiiasy 31 qazanda tańerteń Ýkrainanyń birneshe ýchaskesine, sonyń ishinde Moldovamen shekaradan birneshe shaqyrym jerde ornalasqan Novodniestrovskaia sý elektr stantsiiasyna 90-nan asa zymyran atqylaǵany atap ótildi.
