Moldova parlamenti úkimet usynysymen gaz tapshylyǵyna bailanysty elde tótenshe jaǵdai jariialady, dep habarlaidy Azattyq.
22 qazannan bastap 20 qarashaǵa deiin sozylatyn tótenshe jaǵdai kezinde TJ jónindegi komissiia "tabiǵi gazdyń jetispegen bóligin shuǵyl túrde satyp alýǵa kúsh salady".
Osyǵan deiin Moldova úkimeti reseilik "Gazpromǵa" balama tasymaldaýshy tabylmai, gaz tapshylyǵy máselesi ýshyqsa, tótenshe jaǵdai jariialaitynyn eskertken. Aimaqtaǵy iri gaz monopolisi – "Gazprom" Eýropada energetika daǵdarysy ýshyqqqan tusta Moldovaǵa gaz tasymaldaýdy kúrt qysqartqan.
Moldova premer-ministri Nataliia Gavrilitsa respýblikalyq gaz qubyrlaryndaǵy qysymnyń eń tómengi deńgeige túsip ketkenin habarlady.
2,6 mln turǵyny bar, Rýmyniia men Ýkraina arasynda shoǵyrlanǵan Moldova Eýroodaq tasymaldaýshylarynan kómek kútedi. "Gazprommen" uzaqmerzimdi kelisimniń merzimi aiaqtalyp keledi. Reseilik kontsern Kishinevten jýyrda merzimi aiaqtalatyn kelisimde kórsetilgen baǵadan eki ese tólemdi talap etip otyr.
