مولدوۆا پارلامەنتٸ ٷكٸمەت ۇسىنىسىمەن گاز تاپشىلىعىنا بايلانىستى ەلدە تٶتەنشە جاعداي جارييالادى, دەپ حابارلايدى ازاتتىق.
22 قازاننان باستاپ 20 قاراشاعا دەيٸن سوزىلاتىن تٶتەنشە جاعداي كەزٸندە تج جٶنٸندەگٸ كوميسسييا "تابيعي گازدىڭ جەتٸسپەگەن بٶلٸگٸن شۇعىل تٷردە ساتىپ الۋعا كٷش سالادى".
وسىعان دەيٸن مولدوۆا ٷكٸمەتٸ رەسەيلٸك "گازپرومعا" بالاما تاسىمالداۋشى تابىلماي, گاز تاپشىلىعى مەسەلەسٸ ۋشىقسا, تٶتەنشە جاعداي جارييالايتىنىن ەسكەرتكەن. ايماقتاعى ٸرٸ گاز مونوپوليسٸ – "گازپروم" ەۋروپادا ەنەرگەتيكا داعدارىسى ۋشىقققان تۇستا مولدوۆاعا گاز تاسىمالداۋدى كٷرت قىسقارتقان.
مولدوۆا پرەمەر-مينيسترٸ ناتالييا گاۆريليتسا رەسپۋبليكالىق گاز قۇبىرلارىنداعى قىسىمنىڭ ەڭ تٶمەنگٸ دەڭگەيگە تٷسٸپ كەتكەنٸن حابارلادى.
2,6 ملن تۇرعىنى بار, رۋمىنييا مەن ۋكراينا اراسىندا شوعىرلانعان مولدوۆا ەۋرووداق تاسىمالداۋشىلارىنان كٶمەك كٷتەدٸ. "گازپروممەن" ۇزاقمەرزٸمدٸ كەلٸسٸمنٸڭ مەرزٸمٸ اياقتالىپ كەلەدٸ. رەسەيلٸك كونتسەرن كيشينەۆتەن جۋىردا مەرزٸمٸ اياقتالاتىن كەلٸسٸمدە كٶرسەتٸلگەن باعادان ەكٸ ەسە تٶلەمدٸ تالاپ ەتٸپ وتىر.
