Moldova prezidenti Maiia Sandý Moldova1 telearnasyndaǵy tikelei efirde otyrǵan sátte jer silkingen. Bul týraly Sputnik Moldova agenttigi habarlady.
Silkinis prezidenttiń baǵdarlama júrgizýshisimen áńgimelesip otyrǵan sátinde bolyp, kameraǵa túsip qalǵan.
Telejúrgizýshi "Bizde bir oqiǵa boldy: tikelei efirde jer silkinisi boldy, muny jaqsy belgi dep úmittenemin", - dep ázilmen aityp, prezidentke qatysqany úshin alǵysyn bildirdi.
Áleýmettik jeli qoldanýshylary Sandýdyń kútpegen oqiǵa kezinde salmaqtylyq tanytyp, sabyrly bolǵanyna nazar aýdardy.
"Hanymnyń otyrǵan oryndyǵy shaiqaldy", "Tabiǵat apatynyń úsh túri: sý tasqyny, jer silkinisi jáne referendým", "Sandý bilikte tórt jyldan beri, sondyqtan immýniteti qalyptasqan", - dep jazdy jelidegi pikir bildirýshiler.
Basylymnyń aqparaty boiynsha, jer silkinisiniń epitsentri Rýmyniiada ornalasqan, al onyń magnitýdasy 5,5 ballǵa jetken.
