Ánshi Móldir Áýelbekova burynǵy kúieýi syilaǵan kólikpen jol apatyna ushyraǵanyn aitty, - dep habarlaidy Tengrinews.kz.
Ol jol apatyna túsip, aman qalǵanyn Instagram-da jazǵan.
"Men aidaǵan Bentley bar emes pe edi? Sonymen jol apatyna túsip qaldym. Alla saqtap, din amanbyz", - dep jazdy Áýelbekova.
Biraq oqiǵa munymen aiaqtalmaǵan. Áýelbekova burynǵy kúieýi apattan keiin syiǵa tartqan kóligin tartyp alǵanyn aitty. Oǵan qosa, kólikti jóndeý úshin qomaqty qarjy talap etken.
"Bul Bentley-di maǵan syilaǵan edi. Endi, osy jol apaty úshin syilaǵan adam alyp qoiyp, onyń ústine, aldyn jóndetýge 5 million teńge aqsha talap etip otyr. Sumdyq! Bireýge jan qaiǵy, bireýge mal qaiǵy degen osy eken", - dedi Áýelbekova.
Keiinirek, ónerpaz arnaiy jazba jariialady.
"Keshegi men túsken DTP jaily storisimdi qarap, jaǵdai surasyp, qoldap jatqandaryńyzǵa raqmet. Negizi, túbinde bul jerde másele sol temir nemese 5.000.000 teńgede de emes qoi... Meni qynjyltyp turǵany, kólikti maǵan syilaǵan qyzymnyń ákesine: "avariiaǵa túsip qaldym" - degende, "óziń amansyń ba, tirisiń be" - dep suraýǵa shamasy kelmedi... "Qai jerin soqtyń, qatty soqtyń ba, qansha turady bilesiń be sen" - dep temirin surap álektendi... Aitarǵa endi basqa sózim joq. Sońǵy núktesi osy. Allaǵa tapsyrdym. Alla ádil. Retteidi. Tek sabyr men ýaqyt kerek. Osymen bul taqyryp endi jabyq!" - dep jazdy ánshi.
Aita keteiik, ánshiniń uzatý toiy 2015 jyly 4 jeltoqsanda ótip, al úilený toiy 13 jeltoqsanda boldy. 2016 jyly Móldir Áýelbekova ul bosandy.
