ەنشٸ مٶلدٸر ەۋەلبەكوۆا بۇرىنعى كٷيەۋٸ سىيلاعان كٶلٸكپەن جول اپاتىنا ۇشىراعانىن ايتتى, - دەپ حابارلايدى Tengrinews.kz.
ول جول اپاتىنا تٷسٸپ, امان قالعانىن Instagram-دا جازعان.
"مەن ايداعان Bentley بار ەمەس پە ەدٸ? سونىمەن جول اپاتىنا تٷسٸپ قالدىم. اللا ساقتاپ, دٸن امانبىز", - دەپ جازدى ەۋەلبەكوۆا.
بٸراق وقيعا مۇنىمەن اياقتالماعان. ەۋەلبەكوۆا بۇرىنعى كٷيەۋٸ اپاتتان كەيٸن سىيعا تارتقان كٶلٸگٸن تارتىپ العانىن ايتتى. وعان قوسا, كٶلٸكتٸ جٶندەۋ ٷشٸن قوماقتى قارجى تالاپ ەتكەن.
"بۇل Bentley-دٸ ماعان سىيلاعان ەدٸ. ەندٸ, وسى جول اپاتى ٷشٸن سىيلاعان ادام الىپ قويىپ, ونىڭ ٷستٸنە, الدىن جٶندەتۋگە 5 ميلليون تەڭگە اقشا تالاپ ەتٸپ وتىر. سۇمدىق! بٸرەۋگە جان قايعى, بٸرەۋگە مال قايعى دەگەن وسى ەكەن", - دەدٸ ەۋەلبەكوۆا.
كەيٸنٸرەك, ٶنەرپاز ارنايى جازبا جارييالادى.
"كەشەگٸ مەن تٷسكەن دتپ جايلى ستوريسٸمدٸ قاراپ, جاعداي سۇراسىپ, قولداپ جاتقاندارىڭىزعا راقمەت. نەگٸزٸ, تٷبٸندە بۇل جەردە مەسەلە سول تەمٸر نەمەسە 5.000.000 تەڭگەدە دە ەمەس قوي... مەنٸ قىنجىلتىپ تۇرعانى, كٶلٸكتٸ ماعان سىيلاعان قىزىمنىڭ ەكەسٸنە: "اۆاريياعا تٷسٸپ قالدىم" - دەگەندە, "ٶزٸڭ امانسىڭ با, تٸرٸسٸڭ بە" - دەپ سۇراۋعا شاماسى كەلمەدٸ... "قاي جەرٸن سوقتىڭ, قاتتى سوقتىڭ با, قانشا تۇرادى بٸلەسٸڭ بە سەن" - دەپ تەمٸرٸن سۇراپ ەلەكتەندٸ... ايتارعا ەندٸ باسقا سٶزٸم جوق. سوڭعى نٷكتەسٸ وسى. اللاعا تاپسىردىم. اللا ەدٸل. رەتتەيدٸ. تەك سابىر مەن ۋاقىت كەرەك. وسىمەن بۇل تاقىرىپ ەندٸ جابىق!" - دەپ جازدى ەنشٸ.
ايتا كەتەيٸك, ەنشٸنٸڭ ۇزاتۋ تويى 2015 جىلى 4 جەلتوقساندا ٶتٸپ, ال ٷيلەنۋ تويى 13 جەلتوقساندا بولدى. 2016 جىلى مٶلدٸر ەۋەلبەكوۆا ۇل بوساندى.
