Moderna kompaniiasy óz vaktsinasy koronavirýstyń túrli nusqalaryna, sonyń ishinde "delta" shtamyna qarsy tiimdi ekenin málimdedi, - dep habarlaidy Tengrinews.kz tilshisi kompaniia saityna silteme jasap.
Sait málimeti boiynsha, Moderna vaktsinasynyń ekinshi komponentin alǵanyna bir apta bolǵan 8 qatysýshynyń qan sarysýyna zertteý júrgizilgen. Nátijesinde vaktsina virýstyń barlyq nusqasyna, sonymen qatar Ońtústik Afrikada jáne Úndistanda anyqtalǵan 3 nusqaǵa qarsy antidene bergen.
Saitta kórsetilgen málimetke súiensek, "delta" nusqasynda titrlerdiń 3,2-den 2,1-ge deiin qysqarýy baiqalǵan. Osylaisha vaktsina koronavirýstyń ózge úndi nusqalary men braziliialyq shtamǵa qarsy tiimdiligin kórsetken.
"Bul jańa derekter Moderna vaktsinasynyń COVID-19-dyń jańa nusqalaryna qarsy tura alatynyna degen senimimizdi kúsheite tústi", - dedi kompaniia direktory Stefan Bansel.
Onyń aitýynsha, "delta" shtamy anyqtalǵan Úndistanda 29 maýsymda 18 jastan asqandarǵa Moderna vaktsinasyn shuǵyl qoldaný týraly sheshim qabyldanǵanyn aitty.
Eske sala keteiik, DDSU koronavirýstyń "delta" nusqasy Ýhanda tabylǵan virýs shtamynan eki ese juqpaly ekenin moiyndaǵan edi. Buǵan deiin Nur-Sultanda úndi shtamy naýqastardyń 56 paiyzynda tabyldy degen qaýip anyqtalǵan bolatyn. Juqtyrý derekteri Almatyda da tirkelgen. Munda "delta" shtamyn 46 almatylyq juqtyrǵan.
