Ishki ister ministrligi Qazaqstanǵa qansha reseilik kelgenin aitty, - dep habarlaidy Tengrinews.kz agenttigi.
21 qyrkúiekten beri Qazaqstan Respýblikasyna 98 myńǵa jýyq reseilik kelgen. Reseilikterdiń 64 myńy elden ketken. Al 8000-ǵa jýyq beirezident JSN alǵan.
Ishki ister ministri Marat Ahmetjanov 2018-2019 jyldary Qazaqstanǵa úsh millionǵa jýyq Resei azamaty kelgenin aitty.
"Toǵyz ai ishinde Reseiden Qazaqstanǵa 1 million 700 myń Resei azamaty keldi. Sonymen qatar, bizdiń azamattar da belsendi túrde ketip jatqanyn aita ketý kerek. Kún saiyn Qazaqstannyń 40 myń azamaty shetelge shyǵady.
Keri áserdi de qaraý kerek. Sondyqtan bizde barlyǵy baqylaýda, kóshi-qon zańnamasy jumys isteidi, zańnamany buzý boiynsha qandai da bir anomal qubylystardy kórip otyrǵan joqpyz", - dedi IIM basshysy Astanadaǵy brifing barysynda.
Eske salaiyq, buǵan deiin Prezident Qasym-Jomart Toqaev kórshiles eldermen tatý bolý keregin aityp, reseilikter kele bastaǵanyna qatysty pikir bildirgen edi.
