Reseidiń Mashtakovo avtomobil ótkizý pýnktinde 365 júk kóligi tizilip tur, dep habarlaidy QR QM Memlekettik kirister komitetiniń baspasóz qyzmeti.
«21 mamyrdaǵy jaǵdai boiynsha Reseidiń Mashtakovo avtomobil ótkizý pýnktinde Resei Federatsiiasynyń aýmaǵynda 365 júk kóligi tizilip tur. Osyǵan orai, Memlekettik kirister komiteti halyqaralyq tasymaldaýshylarǵa jolǵa shyǵar aldynda Resei Federatsiiasymen shekaradaǵy qozǵalys baǵytyn aldyn ala túzetýge keńes berdi» delingen habarlamada.
Aita ketý kerek, Resei Federatsiiasynyń «Mashtakovo» avtomobil ótkizý pýnktinde júgi bar avtomobil kólikterine qatysty tolyq tekserý úshin mindetti túrde tehnologiialyq ótý qajet. Tehnologiialyq ótý bolmaǵan jaǵdaida Resei Federatsiiasynyń Shekara qyzmeti avtomobil kólikteriniń júgin túsirip tekseredi, buǵan kóp ýaqyt ketedi.
«Sondai-aq, Resei Federatsiiasynyń Shekara qyzmetiniń qyzmetkerleri kelesi qujattardyń bolýy úshin júgi bar avtomobil kólikterine qatysty tekserý sharalaryn júrgizýde: kólik quralyna saqtandyrý polisi, júrgizýshi kartalary, sertifikattar. Osyǵan bailanysty, Qazaqstan Respýblikasynyń «SYRYM» jáne Resei Federatsiiasynyń «MAShTAKOVO» avtomobil ótkizý pýnkti arqyly kedergisiz ótý úshin júk kólik quraldaryn shekaralyq baqylaýdy júzege asyrý jaǵdailaryn qamtamasyz etý úshin Tehnologiialyq ótkelderdi jabdyqtaý sharttaryn saqtaý qajet, sondai-aq toqtap qalýdy boldyrmaý úshin halyqaralyq tasymaldaýshylarǵa kólik quraldaryn tieý jónindegi usynymdardy jáne avtomobil kólik quraldary men tasymaldanatyn júkterge tiisti qujattar paketiniń bolýyn saqtaý qajet.
Shyǵar aldynda SEQ qatysýshylaryna Resei Federatsiiasymen shekaradaǵy qozǵalys baǵytyn aldyn ala túzetýdi usynamyz» dep habarlady Memlekettik kirister komiteti.
Batys Qazaqstan oblysy boiynsha Memlekettik kirister departamenti eksporttyq baqylaý basqarmasynyń qyzmetkerleri «Syrym» avtomobil ótkizý pýnktinde shtattyq rejimde jumys júrgizýde.
