رەسەيدٸڭ ماشتاكوۆو اۆتوموبيل ٶتكٸزۋ پۋنكتٸندە 365 جٷك كٶلٸگٸ تٸزٸلٸپ تۇر, دەپ حابارلايدى قر قم مەملەكەتتٸك كٸرٸستەر كوميتەتٸنٸڭ باسپاسٶز قىزمەتٸ.
«21 مامىرداعى جاعداي بويىنشا رەسەيدٸڭ ماشتاكوۆو اۆتوموبيل ٶتكٸزۋ پۋنكتٸندە رەسەي فەدەراتسيياسىنىڭ اۋماعىندا 365 جٷك كٶلٸگٸ تٸزٸلٸپ تۇر. وسىعان وراي, مەملەكەتتٸك كٸرٸستەر كوميتەتٸ حالىقارالىق تاسىمالداۋشىلارعا جولعا شىعار الدىندا رەسەي فەدەراتسيياسىمەن شەكاراداعى قوزعالىس باعىتىن الدىن الا تٷزەتۋگە كەڭەس بەردٸ» دەلٸنگەن حابارلامادا.
ايتا كەتۋ كەرەك, رەسەي فەدەراتسيياسىنىڭ «ماشتاكوۆو» اۆتوموبيل ٶتكٸزۋ پۋنكتٸندە جٷگٸ بار اۆتوموبيل كٶلٸكتەرٸنە قاتىستى تولىق تەكسەرۋ ٷشٸن مٸندەتتٸ تٷردە تەحنولوگييالىق ٶتۋ قاجەت. تەحنولوگييالىق ٶتۋ بولماعان جاعدايدا رەسەي فەدەراتسيياسىنىڭ شەكارا قىزمەتٸ اۆتوموبيل كٶلٸكتەرٸنٸڭ جٷگٸن تٷسٸرٸپ تەكسەرەدٸ, بۇعان كٶپ ۋاقىت كەتەدٸ.
«سونداي-اق, رەسەي فەدەراتسيياسىنىڭ شەكارا قىزمەتٸنٸڭ قىزمەتكەرلەرٸ كەلەسٸ قۇجاتتاردىڭ بولۋى ٷشٸن جٷگٸ بار اۆتوموبيل كٶلٸكتەرٸنە قاتىستى تەكسەرۋ شارالارىن جٷرگٸزۋدە: كٶلٸك قۇرالىنا ساقتاندىرۋ پوليسٸ, جٷرگٸزۋشٸ كارتالارى, سەرتيفيكاتتار. وسىعان بايلانىستى, قازاقستان رەسپۋبليكاسىنىڭ «سىرىم» جەنە رەسەي فەدەراتسيياسىنىڭ «ماشتاكوۆو» اۆتوموبيل ٶتكٸزۋ پۋنكتٸ ارقىلى كەدەرگٸسٸز ٶتۋ ٷشٸن جٷك كٶلٸك قۇرالدارىن شەكارالىق باقىلاۋدى جٷزەگە اسىرۋ جاعدايلارىن قامتاماسىز ەتۋ ٷشٸن تەحنولوگييالىق ٶتكەلدەردٸ جابدىقتاۋ شارتتارىن ساقتاۋ قاجەت, سونداي-اق توقتاپ قالۋدى بولدىرماۋ ٷشٸن حالىقارالىق تاسىمالداۋشىلارعا كٶلٸك قۇرالدارىن تيەۋ جٶنٸندەگٸ ۇسىنىمداردى جەنە اۆتوموبيل كٶلٸك قۇرالدارى مەن تاسىمالداناتىن جٷكتەرگە تيٸستٸ قۇجاتتار پاكەتٸنٸڭ بولۋىن ساقتاۋ قاجەت.
شىعار الدىندا سەق قاتىسۋشىلارىنا رەسەي فەدەراتسيياسىمەن شەكاراداعى قوزعالىس باعىتىن الدىن الا تٷزەتۋدٸ ۇسىنامىز» دەپ حابارلادى مەملەكەتتٸك كٸرٸستەر كوميتەتٸ.
باتىس قازاقستان وبلىسى بويىنشا مەملەكەتتٸك كٸرٸستەر دەپارتامەنتٸ ەكسپورتتىق باقىلاۋ باسقارماسىنىڭ قىزمەتكەرلەرٸ «سىرىم» اۆتوموبيل ٶتكٸزۋ پۋنكتٸندە شتاتتىق رەجيمدە جۇمىس جٷرگٸزۋدە.
