Almatylyqtar Memlekettik kirister departamenti men aýdandyq basqarmalar basshylyǵy atynan feik habarlamalar alyp jatyr. Vedomstvo pikir bildirdi, - dep habarlaidy «Ult aqparat» Stopfake.kz málimetine silteme jasap.
Almatylyqtar Memlekettik kirister departamenti men aýdandyq basqarmalar basshylyǵy atynan feik habarlamalar alyp jatyr. Internet-alaiaqtar WhatsApp, elektron poshta, SMS jáne áleýmettik jeliler arqyly áreket etip atqany aityldy.
Almaty Memlekettik kirister departamenti feik aqparatqa qatysty pikir bildirdi.
"Almaty qalasy boiynsha Memlekettik kirister departamenti MKD men Aýdandyq memlekettik kirister basqarmalary basshylyǵy atynan jalǵan alaiaqtyq habarlamalardyń jiilegenin habarlaidy.
Departament azamattar men kásipkerlerge asa qyraǵylyq tanytýǵa, jalǵan habarlamalarǵa senbeýge, aqsha qarajatyn aýdarmaýǵa, kúmándi siltemeler boiynsha ótpeýge, alynǵan habarlamalardyń durystyǵyn tekserýge, onyń mazmunyn MKD nemese Memlekettik kirister komitetiniń resmi derekkózderinde jariialanǵan aqparatpen mindetti túrde salystyryp tekserýge keńes beredi.
Azamattardy kúdikti habarlamalarǵa jaýap bermeýge jáne MKD resmi saitynda nemese @mkdalmaty_dgdalmaty Instagram-paraqshasynda kórsetilgen kontaktiler boiynsha fishingtik nemese alaiaqtyq jaǵdailar týraly habarlaýǵa shaqyramyz", – delingen Almaty Memlekettik kirister departamentiniń resmi portalynda.
