Qaraǵandy oblysyn damytýǵa arnalǵan otyrys kezinde prezident Nursultan Nazarbaev Temirtaýdaǵy jylý elektr ortalyǵynyń (JEO) jumysyn talqyǵa saldy. Ol "ArselorMittal Temirtaý" kompaniiasynyń direktory Paramjit Kalonǵa nusqaý berdi, dep jazady Sputnik.
"Kombinat jylý elektr ortalyǵynyń jabdyqtaryn jańartýmen ainalysý kerek", — dedi Nursultan Nazarbaev.
Paramjit Kalonnyń aitýynsha, kásiporyn 2023 jylǵa deiin eki jylý elektr ortalyǵyn da jańǵyrtýdy josparlap otyr. Osy josparǵa sáikes, úsh jańa qazandyqqa tapsyrys berilgen, olar 2019 jyldyń naýryzynda jetkiziledi.
"Men bul stantsiiany 1960 jyly salǵanmyn. Ol kombinat pen qalany qamtamasyz etedi. Eger isten shyqsa, qala jylýsyz qalady. Bulai jumys isteýge bola ma? Mittal myrzaǵa úkimetten meniń suraqtaryma jaýap alý úshin qońyraý shalatynyn jetkizińiz. Osylai jumys istei beremiz dep oilaisyzdar ma? Ol búkil qalany jylýmen jáne sýmen qamtamasyz etedi. Erteń men kombinatqa baramyn. Jańǵyrtý kerek", — dedi Nazarbaev.
Memleket basshysy aimaqtaǵy barlyq qazandyqtyń qaýipsiz jumysyn qamtamasyz etýdi tapsyrdy. Ol úidegi qazandyqtyń jarylýynan turǵyndar qaza bolǵan Shahandaǵy qaiǵyly oqiǵany eske saldy.
"Shahandaǵy tragediianyń qaitalanýyna jol berýge bolmaidy. Qazir jylý berý maýsymy júrip jatyr, daiyndyq sapaly bolý úshin barlyq qazandyqty tekserý kerek", — dedi prezident.
