9-12 maýsym aralyǵynda elimizdiń birqatar óńirinde ótken mitingterde 300-den astam politsiia qyzmetkeri túrli jaraqat alǵan. Bul týraly Qazaqstan Respýblikasy IIM baspasóz qyzmeti habarlady.
Aktsiiaǵa qatysýyshalarǵa prokýratýra qyzmetkerleri beibit mitingiler, jinalystar men sherýler ótkizý tártibi týraly zań erejeleri túsindirilgen. Sondai-aq sanktsiialanbaǵan mitingiler uiymdastyrǵany úshin jaýapkershilik týraly aqparattar berilgen.
"Jekelegen adamdar ákimdikter men prokýratýra ókilderiniń zańdy talaptaryna baǵynbai, ózge azamattardyń tynyshtyǵy men ómirine, densaýlyǵyna qaýip tóndirdi, quqyqtyq tártipti qorǵaǵan politsiia qyzmetkerlerine qarsy keldi. Osyǵan bailanysty politsiianyń jáne Ulttyq ulannyń kúshimen qoǵamdyq tynyshtyǵy men azamattardy qorǵaýǵa baǵyttalǵan sharalar qabyldandy. Quqyq buzýshylar politsiiaǵa ákelindi jáne sot tártibimen ákimshilik jaýapkershilikke tartyldy" delingen habarlamada.
Quqyq buzýshylyqtardyń jolyn kesý kezinde arnaiy quraldar paidalanylǵan.
"Barlyq is-sharalar zańǵa sáikes júrgizildi, tártip saqshylary azamattarmen ara-qatynasta ózderin barynsha ádepti ustady. Sonymen birge aktsiianyń jolyn kesý kezinde 300-den astam politsiia qyzmetkeri túrli jaraqat aldy, beseýine meditsinalyq kómek boldy" deidi Qazaqstan Respýblikasy IIM.
Narazylardyń buryshty ballon qoldanýy saldarynan jedel den qoiý arnaiy jasaǵy qyzmetkeriniń eki kózin kúiik shalǵan.
Basyna tas tigen qyzmetkerdiń miy shaiqalǵan jáne bas jaraqaty diagnozymen meditsinalyq mekemege jetkizilgen. Qyzmetker bul dene jaraqatyn Nur-Sultan qalasyndaǵy quqyqtyq tártipti qamtamasyz etý kezinde alǵan.
Sonymen qatar túnde Almaty qalasynda zańsyz aktsiiaǵa kólikterimen qatysqandar jol qozǵalysyn rettemek bolǵan politstsiia qyzmetkerin qaǵyp ketken. Dárigerler onyń aiaǵy synǵanyn anyqtady.
Ishki ister organdary budan ári de qoǵamdyq tártipti buzýshylyqtardyń jolyn kesý, azamattardyń qaýipsizdigi men tynyshtyǵyn qamtamasyz etýde zańda kózdelgen barlyq sharalardy qabyldamaq.
