Eýraziialyq integratsiia institýtynyń direktory Erlan Sairov búgin Májilis maquldaǵan «Qazaqstanda beibit jiyndardy uiymdastyrý jáne ótkizý tártibi týraly» zań jobasyna qatysty pikir bildirdi, dep habarlaidy QazAqparat.
«Bul zań jobasyn ázirleý jáne qabyldaý protsesiniń ózi «Halyq únine qulaq asatyn memleket» filosofiiasyna sai keledi. Iaǵni, zań jobasynyń logikasy qoǵam qajettiligine bailanysty ózgertiledi», - dedi ol QazAqparat tilshisine bergen suhbatynda.
Onyń atap ótýinshe, bastapqy ázirlengen zań jobasynyń tek ataýy ǵana qalyp, qujat tolyq ózgergen. Munyń barlyǵy atalǵan zańnyń azamattardyń qoldanýyna jeńil ári yńǵaily bolýy úshin jasalyp otyr.
Sonymen qatar institýt basshysy bul zań jobasyn qabyldaý protsesiniń sozylyp ketýine qatysty da pikirin bildirip ótti.
«Demokratiia - bul kelisý men protsedýralar. Kelisý men protsedýralar kóp bolǵan saiyn zań jobasy qoldaný kezinde barynsha yńǵaly bola túsedi. Sondyqtan eger yryqtandyrýǵa qarai qandai da bir taǵy ózgertýler bolatyn bolsa, onda biz muny quptaimyz. Al dál qazirgi ýaqytta zań jobasy aqylǵa qonymdy jáne halyqaralyq standarttarǵa sai keledi dep aita alamyz», - dedi Erlan Sairov.
Aita keteiik, búgin Májilis depýtattary «Qazaqstanda beibit jinalystardy uiymdastyrý jáne ótkizý tártibi týraly» zań jobasyna Parlament Senaty engizgen ózgerister men tolyqtyrýlardy qoldap, daýys berdi.
