AQSh-taǵy Massachýsets tehnologiialyq ýniversitetiniń (MIT) stýdentteri Oktavio Vega men Varsha Sandadi Aqtaý qalasyndaǵy Nazarbaev Ziiatkerlik mektebinde taǵylymdamadan ótti, – dep habarlaidy NZM baspasóz qyzmeti.
Úsh aptaǵa sozylǵan tájiribe barysynda stýdentter mektep muǵalimderimen komandalyq sabaqtar berip, mekteptegi BUU Modeli jumysyn uiymdastyrýǵa oqýshylarǵa kómek qolyn sozyp, joǵary synyp oqýshylaryna mamandyq tańdaý boiynsha keńes berdi.
Oktavio men Varsha – AQSh-taǵy jetekshi ýniversitettiń ekinshi kýrs stýdentteri. Olar fizika, elektronika jine kompiýter ǵylymdaryn meńgeredi. Stýdentter Qazaqstanǵa MISTI Kazakhstan «Global Teaching Labs» jobasy aiasynda kelgen.
MISTI Kazakhstan «Global Teaching Labs» jobasy oqýshylardyń jaratylystaný-matematika baǵytyndaǵy bilimin keńeitý, teoriialyq bilimdi tájiribede qoldanýǵa baýlý, syni oilaý qabiletin damytý men mádeniettaný baǵytyndaǵy bilimin arttyrýǵa baǵyttalǵan.
Mekteppen etene jaqyn tanysý úshin taǵylymdamadan ótýshi jastar mektepishilik sharalarý men kezdesýlerge belsendi qatysty. Sonymen qatar, ózderiniń MIT joǵarǵy oqý ornyna túsý oqiǵasyn baiandap, túrli keńester berdi.
- NIS oqýshylary óte eńbekqor jáne órshil, ártúrli akademiialyq jáne mektepishilik emes baǵdarlamalarǵa, pánderge qyzyǵýshylyqtary joǵary. Bárinen de tańqaldyrǵany BUU Modeli uiymynyń úlkendigi, atqaryp jatqan jumystarynyń aýqymdylyǵy. Sonymen qatar, oqýshylardyń ózin-ózi basqarý uiymynyń óz jumystaryn uiymdastyrýy, túrli sharalardy josparlaýy tánti etti, - deidi Oktavio Vega.
Qazaq mádenieti men ádet-ǵurpymen tanystyrý maqsatynda mektep qonaqtary jergilikti otbasyǵa qonystandyryldy.
