Ózbekstan Prezidenti Shavkat Mirzieev Syrdariia oblysyndaǵy sý qoimasy bógetiniń buzylýynan sý basqan Qazaqstannyń Túrkistan oblysyndaǵy eldi mekenderde apat saldaryn joiýǵa qajetti kómek berýge daiyn ekenin bildirdi, dep habarlaidy ÓzA agenttigi.
Ózbekstan Prezident baspasóz qyzmetiniń málimetinshe, 27 sáýirge qaraǵan túni apat kezinde Buhara men Syrdariia oblystaryndaǵy 38 myńnan astam úige, 847 áleýmettik nysan men egistikterge zalal kelgen.
«Biz tabiǵi apattyń zardabyn joiý úshin barlyq qajetti sharalardy qoldanýdamyz. Úkimettik komissiia táýlik boiy jumys istep tur. Búginge deiin áleýmettik nysandardyń 70 paiyzy jáne úilerdiń 20 paiyzynyń shatyrlary jabylǵan. Sonymen qatar, 5 000 shaqyrym elektr jelisi, 1100 transformator jóndelgen.
Ókinishke orai, osy ýaqytqa deiin tabiǵi apat saldarynan 4 azamatymyz qaitys boldy, 1 adam habar-osharsyz ketti. Qaza bolǵandardyń otbasy men jaqyndaryna qaiǵyryp kóńil aitamyn», - dedi Shavkat Mirziiaev Buhara men Syrdariiada bolǵan apatqa qatysty jiynda.
Onyń aitýynsha, sý qoimasynda bolǵan jaǵdaiǵa bailanysty halyqaralyq sarapshylardy tarta otyryp, barlyq bógetterge tereń saraptama júrgizilmek.
«Ókinishke orai, Sardobadaǵy apat saldarynan kórshiles Qazaqstan Respýblikasy Túrkistan oblysynyń Maqtaraly aýdanyndaǵy eldi mekenderdi de sý basty. Biz Qazaqstan Prezidenti Qasym-Jomart Toqaevpen telefon arqyly sóilesip, bul máseleni ózara túsinistikpen, ashyq ári keńinen talqyladyq. Keshe Túrkistan oblysynyń ákimi Ómirzaq Shókeev bastaǵan delegatsiia oqiǵa ornyna baryp, jaǵdaidy jan-jaqty zerttedi», - dedi beinekonferentsiiada Ózbekstan Prezidenti Shavkat Mirziiaev.
«Bul tehnogendik kútpegen apat tek bizdiń turǵyndarǵa ǵana emes, sonymen birge kórshi qazaq baýyrlarymyzǵa da úlken ziian keltirgeni óte uiatty boldy. Olardyń mekendeitin jerine jáne egistik alqaptaryna ziian keltirilgenine de ókinemiz», - dedi Ózbekstan Prezidenti.
Onyń aitýynsha, úkimet, tiisti ministrlikter men vedomstvolar, jergilikti bilik organdary, basqa da sheneýnikter men sarapshylar ózderiniń qazaqstandyq áriptesterimen birge tabiǵi apattardyń saldaryn joiý úshin tyǵyz jumys isteitin bolady.
«Sondai-aq, biz tabiǵi apattyń saldaryn joiýda qazaqstandyq baýyrlarymyzǵa qajetti kómek kórsetýge daiyn ekenimizdi bildirdik. Biz bul qiyndyqtardy halqymyzben birge, ózara yntymaqty túrde jeńetinimizge senimdimin», - dedi Ózbekstan Prezidenti.
