Ziialy qaýym eki másele tóńireginde talqylaý jasady. Birinshisi - elordany "Nur-Sultan" dep ózgertýdi qoldaýdyń mańyzdylyǵy bolsa, ekinshisi "Nur Otan" partiiasynyń HVIII sezinde qabyldanǵan 2030 jylǵa deiin «Baqýatty qoǵam: onjyldyqtyń 10 maqsaty» atty baǵdarlamasyn iske asyrýdaǵy "Miras" respýblikalyq keńesiniń róli. Jinalǵandar osy eki taqyryp negizinde óz pikirlerin ortaǵa saldy.
"Miras" respýblikalyq keńesiniń músheleri men ziialy qaýym ókilderiniń atalǵan máseleler boiynsha pikirleri tushymdy boldy. Táýelsizdigimizdi alyp, egemendi el bolýymyzda Elbasynyń etken eren eńbegine eshkimniń de kúmáni joq ekendigi aityldy. QR Parlamenti Májilisiniń depýtaty Bekbolat Tileýhan «Sonaý 1998 jyly Jetisýdyń jyly jeli esken Alataýdyń baýraiy Almatydan aiazy azynaǵan Aqmolaǵa kóshýdi Nursultan Ábishuly óziniń múddesi úshin jasaǵan joq. Saryarqanyń tórine jańa astananyń qazyǵyn qaqqan Elbasynyń sol kezdegi kóregen saiasaty eldi alǵa qarai jeteledi» dedi. QR Prezidentiniń Astanany Nur-Sultan qalasy dep qaita ataý týraly Jarlyqqa qol qoiýy Elbasy salǵan baǵyttyń jalǵasatyndyǵyn bildiretindigin, der kezinde jasalǵan sheshim bolǵanyn ziialy qaýym ókilderi tilge tiek etti.
-Halyq arasynda «Qalanyń atyn ózgertý qyrýar qarjyny qajet etedi», «Barlyq qujattardy aýystyrý kerek» degen siiaqty alyp-qashpa áńgimeler júrip jatyr. Men sizderge osyǵan bailanysty Ádilet ministrliginiń aqparatyn jetkizgim kelip otyr. Elorda ataýynyń ózgerýi azamattarǵa satyp alý-satý, syiǵa tartý, aýystyrý, paidalanýǵa qabyldaý syndy jyljymaityn múliktiń quqyn belgileitin qujattardy, sonymen qatar týý týraly, ólgeni týraly, neke qiiý/buzý týraly azamattyq hal-aqýal aktilerin tirkeý qujattaryn aýystyrý mindetin júktemeidi. Atalǵan qujattarda elordanyń burynǵy ataýynyń jazylýy olardy jaramsyz qylmaidy, - dedi Bekbolat Tileýhan.
Saiasattyń zańymen 1998 jylǵy tarihtyń jabýly qazan jabýly kúiinde qalǵan eski paraqtaryn aqtarǵan Qýanysh Sultanov dál sol kezdegi Elbasynyń qanshama qarsylyqqa qaramastan belin bekem býyp, astanany kóshirip, jasaǵan áreketiniń búgingi jemisine erekshe qýandy. Kórshiniń kóleńkesine sińip keter qaýpi tóngen óńirlerimizdiń búginde órkendep kele jatqany Elbasynyń arqasy ekenin jasyrmady. Elordany Tuńǵysh Prezidentimizdiń atymen ataý oryndy dedi.
Qoǵam qairatkeri Myrzatai Joldasbekov «Bitken iske synshy kóp» dei kele, qanshama dana tulǵalardyń qazaq tarihynda bolǵandyǵyna, biraq Nursultan Ábishulynyń orny erek ekenin basa aitty. Qazaq jaqsylyqqa jaqsylyq jasai biletin, izgilikke alǵysyn aita biletin halyq emes pe? Beibit zamanda, kóziniń tirisinde nege qurmettep, tóbemizge kótermeske degen oiyn túidi.
Ekinshi másele boiynsha, «Baqýatty qoǵam: onjyldyqtyń 10 maqsaty» atty baǵdarlamanyń júzege asyrylýyn "Miras" respýblikalyq keńesi basty nazarda ustaityn boldy. QR Parlamenti Májilisiniń depýtaty Saýytbek Ábdirahmanov Elbasynyń "Nur Otan" partiiasynyń HVIII sezinde Qazaqstan áleýmettik memleket ekendigine erekshe toqtalyp, halyqtyń ál-aýqatyn kóterýdi tapsyrǵanyn jáne bul baǵdarlamanyń mańyzyna toqtaldy.
Al, Halyqaralyq Túrki akademiiasynyń prezidenti Darhan Qydyráli atalǵan qujattyń shalǵaidaǵy aǵaiynnyń jaǵdaiyn jaqsartýǵa arnalǵan baǵdarlama bolatynyn jáne bul "Nur Otan" partiiasynyń naǵyz halyqtyq partiia ekendigin dáleldeitinin atap ótti. Elordanyń ataýyn ózgertýge qatysty da pikirin bildirdi.
"Nur-Media" holdingi Bas direktorynyń orynbasary Maksim Spotkai "Miras" respýblikalyq keńesi aldaǵy ýaqytta baǵdarlama negizinde monitoring jasap, jaǵdaidy baqylaý kerek dep usynys aitty. Elbasynyń saiasatyn jalǵastyrý úshin baǵdarlamany tiisinshe júzege asyrý kerektigin atady. Jasalǵan usynystyń barlyǵyn qaita qarap, "Miras" respýblikalyq keńesiniń músheleri iske kirisetin boldy.
.jpeg)