AQSh 12 jyldan beri alǵash ret Belarýssiiaǵa baratyn elshisin atady. Prezident Donald Tramp Minskidegi Amerika diplomatiia missiiasynyń jetekshiligine kásibi diplomat Djýli Fisherdi tańdaǵanyn habarlady. Qazir ol memlekettik hatshynyń Batys Eýropa men Eýropa odaǵy boiynsha kómekshisiniń orynbasary qyzmetin atqarady.
Vashingtonnyń sheshimi 2000 jyldardyń bas kezinen bastap ýshyqqan eki el arasyndaǵy qatynasta jylymyq paida bolǵanyn bildiretin taǵy bir belgi boldy.
Djýli Fisher buǵan deiin NATO-da qyzmet etip, Resei, Grýziia jáne Ýkrainada jumys istegen. Onyń kandidatýrasyn senat bekitýi tiis. Alaida koronavirýs epidemiiasyna orai qabyldanǵan shekteýler men shtattardaǵy prezident sailaýy kampaniiasyna bailanysty senatta qashan tyńdaý bolatyny belgisiz.
2008 jyldan beri Minskide AQSh elshisi bolmaǵan. Belarýs prezidenti Aleksandr Lýkashenko AQSh-tyń diplomatiialyq shtatyn qysqartý týraly sheshiminen keiin keiin eki el arasyndaǵy qarym-qatynasqa selkeý túsken.
Oǵan deiin Vashington "2006 jyly Belarýssiiada ótken prezident sailaýy kezinde adam quqyǵy men azamattardyń saiasi erkindigine nuqsan keldi" dep Minskige sanktsiia salǵan edi. Odan beri eki eldiń dipmissiialaryn ýaqytsha senimdi ókilder basqarǵan.
AQSh memlekettik hatshysy Maik Pompeonyń 2019 jyly aqpanda Minskige sapary - 1994 jyldan beri Amerikanyń joǵary laýazymdy diplomatynyń alǵashqy sapary bolatyn. Pompeo Aleksandr Lýkashenkomen kezdesip, Amerika Qurama Shtattary Belarýssiiamen bailanysty nyǵaitýǵa múddeli ekenin málimdegen.
