اقش 12 جىلدان بەرٸ العاش رەت بەلارۋسسيياعا باراتىن ەلشٸسٸن اتادى. پرەزيدەنت دونالد ترامپ مينسكٸدەگٸ امەريكا ديپلوماتييا ميسسيياسىنىڭ جەتەكشٸلٸگٸنە كەسٸبي ديپلومات دجۋلي فيشەردٸ تاڭداعانىن حابارلادى. قازٸر ول مەملەكەتتٸك حاتشىنىڭ باتىس ەۋروپا مەن ەۋروپا وداعى بويىنشا كٶمەكشٸسٸنٸڭ ورىنباسارى قىزمەتٸن اتقارادى.
ۆاشينگتوننىڭ شەشٸمٸ 2000 جىلداردىڭ باس كەزٸنەن باستاپ ۋشىققان ەكٸ ەل اراسىنداعى قاتىناستا جىلىمىق پايدا بولعانىن بٸلدٸرەتٸن تاعى بٸر بەلگٸ بولدى.
دجۋلي فيشەر بۇعان دەيٸن ناتو-دا قىزمەت ەتٸپ, رەسەي, گرۋزييا جەنە ۋكراينادا جۇمىس ٸستەگەن. ونىڭ كانديداتۋراسىن سەنات بەكٸتۋٸ تيٸس. الايدا كوروناۆيرۋس ەپيدەميياسىنا وراي قابىلدانعان شەكتەۋلەر مەن شتاتتارداعى پرەزيدەنت سايلاۋى كامپانيياسىنا بايلانىستى سەناتتا قاشان تىڭداۋ بولاتىنى بەلگٸسٸز.
2008 جىلدان بەرٸ مينسكٸدە اقش ەلشٸسٸ بولماعان. بەلارۋس پرەزيدەنتٸ الەكساندر لۋكاشەنكو اقش-تىڭ ديپلوماتييالىق شتاتىن قىسقارتۋ تۋرالى شەشٸمٸنەن كەيٸن كەيٸن ەكٸ ەل اراسىنداعى قارىم-قاتىناسقا سەلكەۋ تٷسكەن.
وعان دەيٸن ۆاشينگتون "2006 جىلى بەلارۋسسييادا ٶتكەن پرەزيدەنت سايلاۋى كەزٸندە ادام قۇقىعى مەن ازاماتتاردىڭ ساياسي ەركٸندٸگٸنە نۇقسان كەلدٸ" دەپ مينسكٸگە سانكتسييا سالعان ەدٸ. ودان بەرٸ ەكٸ ەلدٸڭ ديپميسسييالارىن ۋاقىتشا سەنٸمدٸ ٶكٸلدەر باسقارعان.
اقش مەملەكەتتٸك حاتشىسى مايك پومپەونىڭ 2019 جىلى اقپاندا مينسكٸگە ساپارى - 1994 جىلدان بەرٸ امەريكانىڭ جوعارى لاۋازىمدى ديپلوماتىنىڭ العاشقى ساپارى بولاتىن. پومپەو الەكساندر لۋكاشەنكومەن كەزدەسٸپ, امەريكا قۇراما شتاتتارى بەلارۋسسييامەن بايلانىستى نىعايتۋعا مٷددەلٸ ەكەنٸن مەلٸمدەگەن.
