QR Úkimetine eki aidyń ishinde óz apparatynyń, ortalyq jáne jergilikti atqarýshy organdar janyndaǵy konsýltativtik-keńesshi organdardyń sanyn eki ese qysqartý júkteldi, dep habarlaidy QazAqparat.
Prezident búgin qol qoiǵan «Memlekettik apparattyń qyzmetin biýrokratiiadan aryltý jónindegi sharalar týraly» Jarlyqta osyndai tarmaq bar.
«Úkimet, ortalyq jáne jergilikti atqarýshy organdar janyndaǵy konsýltativtik-keńesshi organdardyń sanyn eki ese qysqartýdy qamtamasyz etsin», - dep jazylǵan qujatta.
Sondai-aq, Úkimetke osy eki ai ishinde azamattar men biznes neǵurlym talap etetin ómirlik jáne iskerlik jaǵdailardy qosyp, olardyń reinjiniringi men avtomattandyrylýyn qamtamasyz etý, kórsetiletin memlekettik qyzmetter tizilimin qalyptastyrý tásilderin qaita qaraý júktelip otyr.
«Azamattarmen kommýnikatsiia jáne vedomstvoaralyq jedel ózara is-qimyl jasaý maqsatynda ashyq keńester ótkizý úshin qoljetimdi onlain-servisterdi paidalaný múmkindigin qamtamasyz etsin», - delingen Prezident Jarlyǵynda.
