Jylqy urlyǵyna Qorǵanys ministrligi qyzmetkeriniń qatysy bolýy múmkin. Aqmolalyq politseiler Nursultan qalasy mańynan óleksesi tabylǵan 46 bas jylqyny urlady degen kúdikpen eki adamdy ustady.
"Kúdiktiler urlanǵan jylqyny Arshalydan elordanyń Kóktal shaǵyn aýdanyna aparýǵa MAN júk kóligine artqan. Jan jaǵy biteý kólikte munshama mal shydamasa kerek, tunshyǵyp ólgen. Sasqanynan ólekselerdi laqtyryp ketken", - deidi Aqmola oblystyq PD kriminaldyq politsiia basqarmasy bastyǵynyń mindetin atqarýshy Janat Jylqybaev.
Kúdiktiniń biri 26 jastaǵy Tselinograd aýdanynyń turǵyny da, ekinshisi 41 jastaǵy ministrlik qyzmetkeri eken. Ol Qorǵanys ministrliginde dardai bólim bastyǵy bolǵan. Jylqy urlady degen kúdikke ilikken qyzmetker osydan bir apta buryn ǵana ministrlikten qýylypty.
Elorda mańynan 28 bas jylqynyń óleksesi tabylǵan edi. Malynan aiyrylǵan ereimentaýlyq kásipkerdiń aryzy boiynsha politsiia tekserisi kezinde taǵy 18 ólekse Qoiandy aýylynyń mańynan tabyldy, dep habarlady KTK.
Qazir eki kúdiktini Ereimentaý aýdandyq soty eki aiǵa abaqtyǵa japty. Olardyń 150 shaqyrym jerdi esh kedergisiz ótýine ministrlik qyzmetkeri bedelin salsa kerek. Ol djip kóligimen alda júrip otyrǵan.
