جىلقى ۇرلىعىنا قورعانىس مينيسترلٸگٸ قىزمەتكەرٸنٸڭ قاتىسى بولۋى مٷمكٸن. اقمولالىق پوليتسەيلەر نۇرسۇلتان قالاسى ماڭىنان ٶلەكسەسٸ تابىلعان 46 باس جىلقىنى ۇرلادى دەگەن كٷدٸكپەن ەكٸ ادامدى ۇستادى.
"كٷدٸكتٸلەر ۇرلانعان جىلقىنى ارشالىدان ەلوردانىڭ كٶكتال شاعىن اۋدانىنا اپارۋعا مان جٷك كٶلٸگٸنە ارتقان. جان جاعى بٸتەۋ كٶلٸكتە مۇنشاما مال شىداماسا كەرەك, تۇنشىعىپ ٶلگەن. ساسقانىنان ٶلەكسەلەردٸ لاقتىرىپ كەتكەن", - دەيدٸ اقمولا وبلىستىق پد كريمينالدىق پوليتسييا باسقارماسى باستىعىنىڭ مٸندەتٸن اتقارۋشى جانات جىلقىباەۆ.
كٷدٸكتٸنٸڭ بٸرٸ 26 جاستاعى تسەلينوگراد اۋدانىنىڭ تۇرعىنى دا, ەكٸنشٸسٸ 41 جاستاعى مينيسترلٸك قىزمەتكەرٸ ەكەن. ول قورعانىس مينيسترلٸگٸندە دارداي بٶلٸم باستىعى بولعان. جىلقى ۇرلادى دەگەن كٷدٸككە ٸلٸككەن قىزمەتكەر وسىدان بٸر اپتا بۇرىن عانا مينيسترلٸكتەن قۋىلىپتى.
ەلوردا ماڭىنان 28 باس جىلقىنىڭ ٶلەكسەسٸ تابىلعان ەدٸ. مالىنان ايىرىلعان ەرەيمەنتاۋلىق كەسٸپكەردٸڭ ارىزى بويىنشا پوليتسييا تەكسەرٸسٸ كەزٸندە تاعى 18 ٶلەكسە قوياندى اۋىلىنىڭ ماڭىنان تابىلدى, دەپ حابارلادى كتك.
قازٸر ەكٸ كٷدٸكتٸنٸ ەرەيمەنتاۋ اۋداندىق سوتى ەكٸ ايعا اباقتىعا جاپتى. ولاردىڭ 150 شاقىرىم جەردٸ ەش كەدەرگٸسٸز ٶتۋٸنە مينيسترلٸك قىزمەتكەرٸ بەدەلٸن سالسا كەرەك. ول دجيپ كٶلٸگٸمەن الدا جٷرٸپ وتىرعان.
