TikTok áleýmettik jelisinde Qazaqstan Reseige zymyrandar qurastyrýǵa arnalǵan komponentter jetkizetini týraly rolik jariialandy. QR Indýstriia jáne infraqurylymdyq damý ministrligi bul aqparaty joqqa shyǵardy, - dep habarlaidy "Ult aqparat" Stopfake.kz basylymyna silteme jasap.
"Resei Federatsiiasyna zymyran komponentterin jetkizý týraly aqparat shyndyqqa janaspaidy. Zymyrandarǵa arnalǵan atalǵan komponentter "Eksporttyq baqylaý týraly" QR Zańyna sáikes eksporttyq baqylaý sharalaryna jatatyn áskeri maqsattaǵy ónimderge jatady. "Komponentterdi zymyran jasaý tehnologiialarynda paidalanýǵa bolatynyna jatqyzý/jatqyzbaý" faktoryn anyqtaý eksporttyq baqylaý tetikteri sheńberinde júrgiziledi. Máselen, kez kelgen eksporttalatyn/importtalatyn/tranzittik elektrondyq jiyntyqtaýyshtar ("chipter», «mikroshemalar") áskeri/qos maqsattaǵy ónimdi óndirý kezinde paidalaný múmkindigi turǵysynan tehnikalyq zertteý úshin ýákiletti memlekettik organdarǵa (Qorǵanys ministrligi, Energetika ministrligi, UQK) jiberiledi. Mundai faktiler rastalǵan jaǵdaida, ýákiletti memlekettik organ (IIDM Indýstriialyq damý komiteti) jetkizilimderdi eksporttyq litsenziialaýǵa jiberedi", - dep habarlady vedomstvodan.
Vedomstvo málimetinshe, Qazaqstan Respýblikasy Úkimetiniń 27 tamyzdaǵy sheshimimen áskeri maqsattaǵy ónimniń eksportyna/tranzitine tyiym salynǵan. Sonymen qatar Qazaqstan Respýblikasynan áskeri maqsattaǵy ónimniń, onyń ishinde zymyran jiyntyqtaýyshtarynyń nemese zymyran daiyndaýǵa arnalǵan komponentterdiń reeksporty/tranziti 2022 jyly jáne oǵan deiin júzege asyrylmaǵan (IIDM IDK eksporttyq baqylaý bazasynyń derekteri boiynsha).
